對於在職媽媽而言，請一位helper姐姐係香港係普遍嘅事。首先，個姐姐一定要識湊小朋友。天使媽個人忠告：「interview個姐姐嘅時候一定要戴埋個B,我相信BB對好人對壞人有天生能力（雖然冇科學根據）。」其次，你係interview嘅時候要注意下個姐姐對你個B嘅眼神同動態。如果湊開小朋友嘅姐姐，聽到呀B喊，佢地會好敏銳而且會問下你換完片片有冇要用咩cream/BB喊成咁食左奶奶未等等⋯⋯ 接住落黎，天使媽假設你已經請左個合眼緣嘅helper,都請你唔好開心得太早！因為據天使媽我非正式嘅調查指出：大部分嘅姐姐都係頂唔順臭脾氣嘅波士或者其他家庭成員（例如：嫲嫲/婆婆）因為長輩比較上直接，又或者會強制姐姐完全100%跟隨佢地嘅育兒方式。咁係錯嘅！你要比你個helper知道你先係佢波士，聽你的就是對的。 -善代你的helper，你的孩子也必被善代 將心比心你去打份工，個老板對你唔好，你會唔會為佢儘心儘力，捱更抵夜？ -除左湊B唔好比其他家庭成員洗儘你嘅helper 你諗下一個人湊B係幾咁辛苦？！唔通仲要幫你通埋渠？洗埋波鞋呀？！ -尊重helper姐姐嘅宗教信仰 好似印尼姐姐咁，佢地好多都唔食豬肉唔飲酒。唔通就係因為咁⋯要叫人地入廚房自己食？ 總結：你要請到個好helper?首先，你同你一家都要調整一下心態，工人都係人，都有媽媽生。你對人地好，人地對你更好！