唯b BLW中期，除咗食雞脾外，仲有食羊架、豬肋骨，都係易拎上手嘅肉類，只要煮得淋，就好易咬開（N.B. 牙齒唔係食肉嘅必要條件，牙肉好有力，所以冇牙仔都食到） 其實豬仔脾都唔錯 今晚燜咗豬仔脾俾佢食，連埋啲汁送飯，好開胃 較細嘅bb可以唔加茄醬，加多啲蕃茄煮都好食   蕃茄燜豬仔脾（傳統餵食的話，適合一歲以上嘅bb，惟BLW bb冇特別限制，父母覺得佢ready食肉就可以） 材料： 大蕃茄 兩個 細紅蘿蔔 一條 洋蔥 1/4個 豬仔脾 兩件 有機蕃茄醬 80克 (如用茄膏就少啲，因茄膏味道較濃） 清水   做法： 蕃茄、紅蘿蔔切件，洋蔥切條 豬仔脾先出水，盛起備用 鑊/鍋內以少少油炒香紅蘿蔔、洋蔥約3分鐘（個鑊唔好太淺） 加茄醬炒勻 再加入豬仔脾、蕃茄，倒入清水至蓋過豬仔脾表面 蓋上鍋蓋，以中火燜約30分鐘，再轉細火煮約15分鐘，用叉插入豬仔脾，肉軟而輕易插入就完成 如有興趣看更多自理寶寶的育成和BLW的分享，歡迎到我們的Facebook Page：https://www.facebook.com/weplaynlearn/