我哋做媽媽嘅其實知道自己有咗BB後， 都已經忙過不停～～ 要有均衡營養令BB有好既發展啦、 跟住又要上產前講座去學點樣照顧BB、 打點家中一切去迎接新成員⋯⋯ 一路去到BB出世～～～ 好多時家人朋友去到醫院探媽媽， 第一下都唔係問媽媽身體點啊， 而係一見面就開始講BB究竟似媽媽定係似爸爸⋯⋯XD 我咁辛苦生佢出嚟我梗係想佢似我啦！ 好在我個大女丁丁出世到而家三歲半， 都同我成個餅印咁！ 同佢去街啲人都話我地好似樣～ 同親戚食飯時佢地都話你個囡囡同你細個嗰陣時一樣樣㗎！ 真係好得意！ 搞到我都有啲沾沾自喜XDXD     佢成日都慢吞吞， 食飯慢吞吞，行路又慢吞吞， 搞到我每日都要講100次快啲啦快啲啦！ 但只要細心去了解佢， 就知道其實佢只係花時間去留意身邊嘅唔同事物， 好似經過公園時，佢都行得好慢， 我問佢點解行得咁慢啊？ 佢會答返我「媽咪媽咪，你睇吓啲花開得好靚呀！有紅色有紫色！媽咪你鍾意咩色呀？ 」 仲有呀，有時原來佢喺度睇緊啲螞蟻行路！！！ 都真係唔知好嬲定好笑～～～ 但爸爸就話佢呢樣野好似我，成日都慢條斯理⋯⋯ 我就話呢樣野係叫細心、懂得享受同欣賞！ 所以丁丁呢樣野似我，我覺得係好好既優點嚟㗎～XD   自己做媽媽嘅， 又點會唔知個囡究竟係似我定似爸爸呢～ 我地個樣相似，但係性格我覺得佢似爸爸多點， 丁丁個樣成日都古古惑惑， 講埋啲好好笑嘅嘢， 同爸爸一樣咁風趣， 成日都比佢講啲嘢氹到笑！ 好開心有呢個小寶貝在身邊呢～～～   計我話呢小朋友個樣似邊個都好啦！ 最緊要都係將爸爸媽媽最好嘅優點遺傳， 無論係內在定外在～ 都係一樣咁重要！ 我哋作為家長既， 都唔可以咁心急， 要慢慢發掘小朋友嘅性格同天資， 再好好栽培！發揮潛能！ 小朋友一定會成長得更加好！ 這就是父母對子女的愛的連繫～～   而家美贊臣Enfinitas 有遊戲玩， 只要到網址: https://bit.ly/2L19dnW 分享寶寶與自己的相似之處， 就可以贏取「手指畫套裝」一份！ 自問係餅印一樣既你地又點可以唔參加呢～～～ 快啲睇下啦！ - 首500位分享者即有機會獲得「手指畫套裝」一份 - 活動期至2018年7月15日晚上11時59分，所有禮品數量有限，送完即止。 #Enfinitas #BornFromMom #InnatePotential #原生營養啟發天生潛能 #似媽不似嗎 #因媽媽而生 #係真唔係咁似啊？ #遺傳哂我嘅優質血統 #將最好的留給子女 #個個都話似阿媽就真係似阿媽嫁啦 #十月懷胎 唔係唔似我吓嘛 #媽媽係美人梗係似媽媽啦 * * * * * * Follow: FB: www.facebook.com/MrsKan.blog IG: mrskan_net (http://www.instagram.com/mrskan_net/) Youtube: Mrs Kan (http://goo.gl/9EqI55) Kan夫人。生活雜記 歡迎聯絡合作: Email: ja20121111@gmail.com http://www.ja20121111.blogspot.hk