27weeks4days 近日做了傳說中的"飲糖水" (葡萄糖耐血測試）(°ཀ°) 因為生左檸B係大B，本來生完檸B 都建議我要做糖水測試..果時我無做到...所以今胎是一定要做了...:;(∩´﹏`∩);: 8點抽血, 我7點半就到, 不過都係排第3個 抽前8-12小時唔食得野, 只可飲少量水 飲之前抽一次血， 飲後呆等兩粒鐘又抽一次 (中間可以飲水, 但我飲完糖水飲唔落了) 如果嘔左出來...仲要揀日重賽...所以我一定要忍忍忍.. 朋友建議 自帶檸檬加落去..易入口好多...不過檸媽都係快快口飲完算...1 分鐘KO佢 杯糖水大約400ml, 係暖架...飲到底果幾下係最難頂...甜過上面果D ..有D 苦的感覺... 飲完還左杯  就去番抽血到報到, 拎紙等2小時, 因為無地方好去...坐番起 K座大堂 向上望...防止回湧..手機真係要叉足電, 同埋帶家外套...因為2小時其實都漫長既~~ 第2次抽血都係同一隻手, 不過痛過第1次抽果時, 傷口都大D  一星期內收到電話就係有問題...希望唔會收到電話啦.. ------------ 以email聯絡檸媽 : snowsnowlam@gmail.com 也歡迎在fb inbox 我~ 檸檬頭 Facebook專頁: https://www.facebook.com/lemonkcal/