《娜娜佛系戒片成功》 戒片呢件事我常處於佛系，我信終有一日會自己識，無須焦急。加上因為某程度上我覺得著片都幾方便，香港商場廁所排隊一般都要等15-20 分鐘，而且大部分廁板都唔係好乾淨。 可惜我身邊既長輩同我完全相反，對戒片呢件事表示擔心，經常說為什麼兩歲既娜娜仲著片 在一個月前的一個晚上，娜娜自己同我講我要拜拜條片，神奇既事情就發生！  這個月以來佢都好忍得，每一次都成功系廁所解決 呢件事再次提醒我自己，小孩的成長只係一個過程，所有見到的每一個令你頭痛既特徵每一個討厭既時刻都會經過，都係其中一小段經歷，睇開D，遲早都會學識，只係時辰未到 順便介紹返《快要來不及了》，呢本書講一個小朋友好想去廁所，好急好急在商場找廁所，當中遇到好多奇怪既事物—蝙蝠、長頸鹿、妖怪⋯故事情節都幾緊張和有趣，最後原來發現係發緊夢。 呢本唔係咩教育意義既書，但因為故事情節非常有趣，都帶給我和娜娜快樂既伴讀時光。 娜娜很喜歡書內其中一個情節：小男孩想搵廁所，問商場的服務台姐姐：我好急，我想尿尿。 服務台姐姐：唔好意思 我地呢度無「耀耀」既地方  講到呢度 娜娜覺得呢段好好笑，每次講起佢都會笑好耐 #佛系戒片 #快要來不及了   更多育兒Ｘ繪本分享 可到facebook：  https://www.facebook.com/Sistermama-2215243141826850/