讀書嗰時零用錢唔多，食得最多就係快餐店嘅「show me your love」、「蛋嘔飯」同肉醬意粉！ 可能因為咁，大個都好喜歡港式嘅肉醬味道，雖則未去到瘋狂成日想食，但久唔久都會口痕。呢幾年多咗入廚，間中都會自己整蕃茄肉醬意粉，不過都係用現成茄醬或者肉醬，最近入手咗可以整醬嘅破壁機，就用嚟整自家口味嘅蕃茄醬先！ 材料：(製成品約1.2-1.4L) 蕃茄 6-8個 蒜頭 半個 洋蔥 半個 車厘茄 適量 黑椒粉 適量 鹽/蒜鹽 適量 香料(蓄茜/九層塔) 適量 黑糖 適量 步驟： 1. 將蕃茄同洋蔥切件，蒜頭去皮(去芯) ，連調味料放入美的破壁機，唔需要加水 2. 調教到【醬料】功能，預設時間係30分鐘，破壁機會重覆地煮滾材料同打醬 3. 其間將車厘茄切開，再放入焗爐用150’C烤焗10分鐘至脫水 4. 打醬後小心打開破壁機上蓋中間小蓋，將車厘茄乾放入，再用打磨功能【1號】打3-5秒就完成 小貼士： —製成新鮮蕃茄醬待涼之後，可以倒入玻璃罐，再將玻璃罐倒轉放可以製造真空狀態 —放入雪櫃可以保存一星期 —車厘茄乾帶甜味，將車厘茄乾加入蕃茄醬打碎，仲可以增加口感 後記： 說時遲、那時快，即晚就整埋肉醬螺絲粉啦！   是次小分享完畢，有興趣可按 麵語錄食玩遊記 by Aminn 或 C家重地 其他分享 :)   Aminn | Beauty．Food．Fun．Travel．Trendy｜  麵語錄食玩遊記 by Aminn (Lifestyle) www.facebook.com/m.for.aminn / www.instagram.com/starzaminn  C家重地 (Parenting) www.facebook.com/sy.lam.family     任何合作請接洽：aminn613@gmail.com