呢個係米豬病到尾水, 但我開始嚴重時煮ge午餐......... 由於米豬不停咁流鼻水, 其實去到一個點係每日只食到大半碗飯, 因為d野聞落冇咩味, 加埋我都冇咩精神煮, 有一日佢又食到發晒癲我又想發癲時, 我問米豬, 媽媽聽日煮咖哩比你食好冇? 佢點頭, 咖哩就咖哩啦~!! 病到溫溫鄧鄧仲煮到飯比你食, 我已經覺得自己起額完成ga na仔.....   出唔到街, 求其雪櫃有咩就用咩... 材料: 粟米 半條 洋蔥半個 免治豬肉 2湯匙 調味料: 蒜粉 半茶匙 咖哩粉 鄧5-6吓 1. 免治豬肉用蒜粉醃15分鐘 2. 洋蔥切粒, 粟米切3-4行起粒, 其他介開層衣刮粟米蓉 3. 中細火起鑊, 炒香洋蔥 4. 洋蔥開始透時加入粟米 5. 粟米脹卜卜就可以落埋肉, 督住炒 6. 落咖哩粉5-6吓(完全唔辣的, 但有咖哩香味) 7. 炒勻之後加2湯匙水, 煮到收汁, 撈埋落煲好ge飯度, 又食得~   繼續都係滿滿一碗~ 病緊呢2星期, 呢度最多食到2/3.... 個肚腩扁晒.... 好在都肯拎隻匙羮不吓啫.... 好耐都冇見過米豬食到咁滋味, 睇嚟呢個暗黑咖哩飯開胃成功~!!   煮食小貼士: 1. 洋蔥很重要, 尤其是病病期間, 可以增強抵抗力~! 2. 個咖哩粉其實一d都唔辣, 但又好香咖哩味, 睇過晒成份冇添加劑先買咋~ 街市幾蚊包0個d唔知得唔得ga~~   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/