哥哥細細出世之後，有好多人錫。媽媽成日都想搵機會答謝，特別係照顧佢地嘅公公婆婆，都想係節日送下野俾佢地氹番佢地開心。仲有外國住嘅太婆，媽媽產後一直冇機會帶哥哥細細飛去俾佢見下曾孫。唯有飛過去前，送下野俾佢等佢感受下做人太婆嘅喜悅啦!而家就黎睇下邊一種自家製禮物最受親戚朋友歡迎啦！ 哥哥細細一歲，買啲現成有包裝嘅曲奇，加一張加工過嘅相，pack好送俾錫佢地嘅姨姨叔叔。由媽媽自家製，食得又睇得，夠百搭。可以送俾平日同佢地玩嘅街坊/爸爸媽媽公司同事/朋友。 壞處就係，送左俾人先發覺，自己唔太想BB張靚相俾朋友掉左落垃圾筒，下次送都係送冇相嘅卡仔好啦！ 第二樣係手機扣。 而家好多公司幫客人製作度身訂造嘅物品。媽媽只要同製造商聯絡，send相過去，然後睇下係咪符合自己要求。買家可以改設計一次。 冇刻意處理哥哥頭髮，同超人不謀而合。細細成日攞住玩具hammer，好夾呀！所以就揀左marvels 系列啦！send相俾製造商，傳回合成圖。連埋設計，一星期收件，兩老十分滿意。決定造多幾個俾太婆同自己。訂易，真係要親戚放上手機先難，除非係親到公公婆婆，平時已經放哥哥細細啲相做wallpaper，加埋個手機扣襯晒。爸爸走型格路線嘅就當然唔會用手機扣啦！ 最受歡迎嘅係。。。揮春! 原先諗住送最親嘅公公婆婆、姑媽、姨媽，寄俾外國住嘅太婆(等95歲嘅佢都分享到新生兒嘅喜悅)，但原來好多親戚朋友見到製成品都話想要，包括表姑姐、媽咪同爸爸想要BB嘅朋友。揮春唔同手機扣呢類個人物品，親戚朋友較易接受，貼兩個BB嘅相係屋企，喜氣洋洋，好受歡迎。可惜臨近農曆新年，冇得加訂。唯有下年請早啦！ 原先想訂長方形嘅揮春，諗下諗下覺得哥細貼兩邊做左右門神都幾好。將呢個概念話俾製造商知，要求印foambaord，令揮春挺啲。 回稿已經好精美，只係揀相出現左小問題。 哥B個張大頭相冇問題。 細細take 1:衫領遮住下巴 細細take 2: 檔案唔夠大，起格仔 之後揀番大頭相，就冇問題啦！ 我好鐘意同小朋友影相，同一個姿勢唔同表情會影幾張。影咁多相，除左收藏仲可以點善用?整禮物俾親人係一個唔錯嘅選擇。農曆新年未有耐，各位媽媽可以儲定靚相呀！提提你，印揮春嘅話，多數公司聖誕前截稿。 想農曆新年為屋企增添氣氛，或者寄去外國俾親戚，就要預早計劃下啦！   #新手媽媽歡迎俾意見 #交流嘅好處 fb.              哥哥細細 //小眼睛s看世界 ig.              cannyahn