呢排好忙，因為Matt爺個半月病左4次。。。。上星期日晚仲入左仁安 雖然我一早已經做好兩手準備，問定保險有咩事去邊間，有咩醫生介紹，只係無諗過咁快用到。。 話說星期六病早Matt爺無啦啦又有d發燒，本身都諗住同佢睇多次醫生(因為之前d咳仲未好返)，等左兩個鐘既兒科醫生盛惠$500。之後街都無去就返屋企休息，凌晨突然燒到40度，但食左退燒藥有退到仲好精神，但到夜晚突然又燒到39度，唔想再估估下即刻仆去仁安。 姑娘聽到我話個半月燒左4次，即刻話要留院，磅重既時候佢輕左，媽媽個下真係心都實晒。。。 留左兩晚，退晒燒可以出院，返到屋企即刻出埋玫瑰疹。 不得不讚仁安既服務，病房好新，交通都算方便，環境好好，Matt爺訓得好好 媽媽只願你有健康的身體 #大圍仁安 #環境好好 #可以問姑娘拎玩具我都唔知 #二樓有個花園不過好曬 #識到隔離床芊芊既婆婆 #出院13000 Facebook : 小蕃薯。成長印記