「我要替月行道，儆惡懲奸」一聽到就已經好有那些年嘅回憶。 Sailor Moon可以話係八、九十後嘅童年回憶之一，當時每個小朋友都會放學趕住返屋企睇，小JM媽我都唔例外。如果你都喜歡「美少女戰士」嘅話就唔好錯過來緊即將係尖沙咀The ONE舉辦嘅「 The ONE x Sailor Moon 月光傳說」大型場景佈置展覽啦！   今日就一於等我地帶小JM去睇下媽媽細個成日會睇嘅卡通啦！ 展區一共分為七個不同場景區域，啱晒自拍、打卡同呃LIKE，一定大受歡迎者。 唔單止咁，呢度仲有全球首度展出嘅1:1立體雕像，以及各個受歡迎嘅角色添，當中緊係唔少得「小小兔」同埋「獨角馬」啦，而且仲有深受女性粉絲喜愛嘅「阿禮」添！   事不宜遲，一齊率先睇下各個不同嘅打卡影相位啦！ VIDEO:   萌爆Q版場景 喺The ONE地下露天廣場位置擺放咗可愛到暈嘅Q版倩尼廸公主及安狄美奧王子雕像，而且場景仲展示咗佢地嘅訂情信物－「星空音樂盒」添！就好似想同大家一齊分享佢地嘅浪漫愛情故事咁。     喺The ONE UG2中庭更設有一系統嘅場景及小遊戲裝置可以俾大家影相及試玩。 夢想星河主場景 呢個場景集齊晒五位美少女戰士，包括：Super Sailor Moon、露娜貓、Sailor Mercury、Sailor Mars、Sailor Jupiter及Sailor Venus！而且每個雕像仲係以1:1嘅比例造成架，神態亦跟當年甚為神似！     美少女戰士聖杯 既然有美少女戰士又點可以少咗聖杯呢？ 場內亦展出咗巨型嘅聖杯裝置，啱晒影相。 聖杯係Sailor Moon變身成Super Sailor Moon嘅變身器，你無理由唔影掛？ 仲有亞提密斯都係旁邊架！   Sailor Chibi Moon與獨角馬 有Super Sailor Moon當然要有埋「小小兔」Super Chibi Moon啦！ 場景仲係小兔同獨角馬相遇嘅情境來架！     禮服幪面俠玫瑰庭園 除咗女主角Super Sailor Moon，仲有一個CHOK到爆嘅男主角「禮服幪面俠」！ 禮服幪面俠每次出場都總會有玫瑰，今次嘅場景亦唔例外，將場景佈置成玫瑰庭園，同時守護著巨型嘅「新月棒」！ 小JM個Pose真係... ...不明所以，唔通係：你你你快跪下？     除咗靚靚嘅場景之外仲有兩個小遊戲可供玩樂添架，想知有咩小禮物就要留心記底啦！   華麗星光傳說。互動遊戲 華麗星光傳說由Sailor Uranus及Sailor Neptune所守護著。 只要完成互動遊戲並成功召喚到天王遙及海王美智留就有機會獲得「The ONE x Sailor Moon期間限定店」嘅95折購物劵啦!     Sailor Moon月影時光。互動遊戲 另一邊廂就由Sailor Pluto及Sailor Saturn去看守著時間之門。 想同與自己所配合嘅角色影相留念就要成功開啟傳說中嘅時間之門啦！       The ONE x Sailor Moon期間限定店 好可惜! 今日我地去到嘅時間Pop Up Store仲執緊貨，所以未能同大家分享購物嘅情報。 我地只係影咗幾樣好物嘅相片咋，如果你都有興趣不妨親身去睇下啦！   日期：2018年7月21日 至 9月2日 時間：中午12時至晚上10時 地點：The ONE - L2層     月之搜尋 透過The ONE手機APP參與搜尋遊戲，成功集齊五位戰士就有機會獲得「The ONE x Sailor Moon限定版擦拭貼」一份。（名額：共3000份，換完即止） 禮品換領詳情： 日期：2018年7月22日 至換完即止 時間：中午12時至晚上10時 地點：The ONE - L2禮品換領處     限定消費禮遇： The One Club會員於場內以電子消費滿HK$1200/憑4000積分，即可免費換領Sailor Moon 夏日沙灘墊。 或以電子消費滿$1500/6000積分，換領Sailor Moon雨傘套裝。     「The ONE x Sailor Moon 月光傳說」活動資訊： 日期：2018年7月21日 至 9月2日 時間：上午10時至晚上10時 地點：The ONE - UG2層