Matt爺開頭係用Avent 奶樽，但因為出得太快，好容易嘔奶。 之後改用爸爸公司有既Babisil，雖然都係容易嘔奶，但我地一致只係認為佢飲得太急，去健康院姑娘都話正常，最緊要係佢唔係噴射式嘔奶就唔係太大問題，咁就唯有每次飲完奶都掃起碼15-20分鐘既風。Babisil另一個問題係好似出奶比較慢，變相佢都可能飲左好多風所以易嘔奶，試過用針整大D個咀，但就變左飲得過急。。。 大約半歲左右，因為本身都要轉奶樽就轉左Pigeon Premium，開頭都ok，飲快左但少左嘔奶,但過左一兩個又變左容易嘔奶。 後尾有朋友介紹左Bfree 防脹氣奶樽，一試之後簡直愛不釋手...........雖然個奶樽比較大同多左配件要洗，但: - Aeon特價，計返都係$6x/個，好抵 - 個奶樽咀有得變速，佢有3個點，你想要慢流量的話，你就將1點個面向天花; 如果想要中流量，就將兩點個邊向天花，咁就唔洗成日換奶咀 - 所有配件都可以放入奶樽消毒器到，勁方便 - 佢有幾個size，大D既size可以去到330ml，岩晒Matt爺 當然，奶樽真係要配合個個BB唔同既需要，我有朋友個B可以用$3x NUK既，慳好多。 #AventBabisilPigeon #還是Bfree你最好 #防脹氣所以個樽都脹過人 #Aeon特價最抵買