轉眼間，小豬媽媽踏入35週，距離落貨既日子得返吾夠一個月～小豬係媽媽既肚入面好食好住，所以真係變左隻豬女，連私家產科醫生都話個SIZE偏大，會比預定時間早兩個星期左右出世！ 尼9個月，豬媽情緒起伏好大，好彩有個好老公體諒，接受一切好既懷既脾氣。 吾見睇尼篇文既準媽媽們，有幾多個受到抑鬱症困擾？當豬媽既精神科藥物調節過後，最多都係控制到小小情緒，由每日既波動變成幾日既波動。其實，分別真係吾大。當豬家由將軍澳醫院被調到去聯合醫院跟進既時候，原來係因為豬媽有抑鬱症，所以被政府醫院定為「高危」人士。佢地既「高危」係指容易得到產前產後抑鬱人士。政府有個叫「兒童身心全面發展服務」既部門，有精神醫生定時跟進你既精神情況，主要睇你會吾會傷害到個BB或者自己。另外，個部門仲會有助產士、兒科醫生、精神科護師、聯網內多間母嬰健康院的醫護人員、政府及非政府機構的社工等，只要你係產檢果時（會突然要見助產師）開聲話需要幫忙，佢地就會幫你做轉介。不過，大家吾好有太大既期望，始終都係政府醫院，一定係同私家醫生差好遠。豬媽第一次去見佢地既精神科醫生果時，佢地會有個問卷比你填，見醫生果時，佢地都係問下基本資料，家庭情況，有咩情緒問題，再睇下你有無自殺自殘既諗法/傾向，對一對張問卷，計下分數，個結論係⋯⋯「你有精神病」。豬媽果下，真係吾個比咩反應比佢。我都知我有精神病，所以先會黎睇醫生。政府醫生都講到明，佢地同私家醫生吾同，最多比當日既病假紙，係吾會好似私家甘，比段時間你去休息。唯一既好處，都係價錢上。始終私家醫生一D都吾平，睇一次連藥費要4位數字上落，政府每次只係$2-300就搞得掂。各有好懷啦～ 話說，早幾個星期，豬媽突然頭痛頭暈，之後去睇中醫，中醫師睇完之後，話豬媽係因為體質太虛弱，外表肥，內裡吾得，所以開左個古代皇帝既妃子遇上尼D情況，都會飲既中藥「安生無憂湯」比我。我飲左兩劑，一日一劑，加上休息，好似真係好D，無之前甘辛苦。大家覺得辛苦既時候，都建議去睇中醫調理下個身子。 大家都要加油，一齊努力呀～～～