其實我地香港嘅小朋友好幸福，香港隨處都有沙灘可以比我地享用。就好似好近我嘅的台北要搵個沙灘都唔係易事，但他們亦深明孩子喜愛玩沙，亦知道比小朋友玩沙嘅好處好多，所以你會見到台北市政府嘅公園、植物園、遊樂場，就連親子餐廳都有人造沙坑等設施。 平時唔難發現，只要係有沙有水嘅地方，你都會見到小朋友拎住個水桶、鏟係度挖沙坑、堆城堡，玩得好開心。好多小朋友沖涼時仲會沖到唔肯走出個盆，自己開水喉，聽到d水嘩嘩聲咁會好開心咁。 但到底小朋友玩沙又有咩好處呢?     平時係遊戲治療過程個陣，我都會有機會比小朋友用沙盆來抒發情緒進行治療，沙或者水係小朋友手流過，可以給BB帶黎特別的感官刺激。再者沙同水都係無形嘅，可以隨住小朋友喜好而隨意變化，仲有玩沙亦可以比小朋友感受到自我控制嘅樂趣，沙係手可以被堆砌成唔同造型；水亦可以由小朋友自由潑改變方向、放手比小朋友用喜歡嘅方法去玩，你都會見到佢地心情會輕鬆好多，對治療過程亦有正面嘅幫助。特別係對於比較無自信心同內向嘅小朋友，好多時藉住玩沙，佢地都會得到份滿足感同成就感。 其實小朋友玩沙玩水會令佢地嘅情緒上得到滿足，因為小朋友天生就係充滿住好奇心，佢地好鍾意探索身邊嘅一切，玩水、玩沙可以滿足小朋友探索嘅興趣。而且玩沙個時無拘無束、自由自在，心情自然開朗啦，滑溜嘅沙亦會帶比佢地舒服嘅感覺，小朋友可以隨意用自己鍾意嘅方法去玩，小朋友自然係情緒上會得到滿足啦。     在玩沙的過程中，他們會接觸到不同質地嘅沙。有濕嘅沙又會有乾嘅沙、大粒嘅細粒嘅、好多唔同嘅沙都會接觸到；係過程之中其實BB嘅感知亦都會鍛煉得越來越敏銳，對發展小朋友嘅感知覺有幫助。當然係講緊真正嘅沙，而唔係被商業吹捧出來嘅所謂決明子沙池啦。 好似孖寶咁佢地會用到鏟去鏟起D沙黎玩，咁樣其實佢地嘅大小肌肉都係運用緊，每次運用都係有助熟練肢體協調，同埋控制手部肌肉嘅動作。這一切亦係有助手眼協調能力嘅發展。而且係認知上，佢地更能切實地以第一身感受去了解沙同水嘅自然性質。     你知道嗎? 玩沙玩水對小朋友創造力嘅發展亦都係有幫助，要知道玩沙玩水本身就無固定的玩法同必然嘅成果，因為咁就會比到好大空間小朋友盡情發揮佢地嘅想像力同創造能力。之前提過沙同水都係無形，咁亦可以促使小朋友更自主地「發明」唔同嘅玩法，有助BB嘅創造意識同能力慢慢地陪養出來。既可以鍛鍊了小朋友嘅觀察力、想像力。     最後，之前有提過玩沙可以令小朋友手部小肌肉協調更發達，對將來拎筷子、運筆都有好大嘅助益架，日後小朋友拎筆練習寫字同埋小肌肉發達都有幫助。     唔好怕污糟，趁住天氣好，一齊都帶小朋友去沙灘享受真正嘅沙，睇到遼闊嘅大海同無邊嘅沙，對大人同小朋友對眼都有好處呢。   講咗咁多，有一點長氣d都係要提住嘅啦，就係要注意安全。小朋友玩個陣大人要係身邊睇著，唔好整D沙入眼; 仲有唔好玩建築工地堆放嘅沙堆，家長如果可以都亦請睇下沙堆會唔會有釘，玻璃碎等，注意安全，自然玩得開心又安心啦。 今個夏天多d帶小朋友去沙灘，創造佢地更多可以玩沙玩水嘅機會，一齊過返個Happy Summer。   我和孖寶的Facebook Page: 荔枝與孖寶  我和孖寶的 Instagram IG#: laichimama   Oh爸媽 - ohpama.com: Featured Bloggers     MamiBuy香港媽咪幫：駐站部落客 Sunday Kiss: Featured Bloggers SuperMami HK：Featured Bloggers Beauty Exchange：Certified Blogger WeShare HK 親子： 推薦博客 ESDlife: 「靚太星級榜」Blogger 廿四孝父母 - 24parent.com: Featured Bloggers 媽媽經台灣/香港站: 駐站作家 uBaby 懷孕育兒生活雜誌: 駐站作家 香港01: 專欄作家   If there is any question or you looking for me and the boys,  please feel free to contact LaiChiMaMa via Email: cherrywcchan@gmail.com