暑假絕對係小朋友世界，家長除咗會諗到大小朋友去旅行、參加興趣班、四圍去之外。有冇諗過炎炎夏日，都有親子運動會? 仲要係室內進行，唔需要擔心大汗淋漓，又好玩又可以促進親子關係。   今個8月，銅鑼灣嘅Planet J Kids搖身一邊，化身為親子運動場。將場內嘅五大遊戲區，變成超級好玩嘅運動比賽項目。室內舉行嘅運動會，又安全、又唔需要擔心大汗淋漓。 而且參加完運動會，仲可以喺Planet J Kids玩足全日。   感謝Planet J Kids邀請我哋去咗率先試玩，和牛B同和牛爸爸超落力地參與，而我就當然喺旁邊做啦啦隊啦~ 拎住夏日親子運動會嘅Passport，熱好身就準備挑戰下以5項運動。   【五大好玩「親子運動」項目】 1)波波海 – 動物騎術賽　（元素：分工合作） 玩法：小朋友騎住動物造型水泡，由「起點」游到「取物點」，拎一塊磁石拼圖，再游返去終點（家長） ^ 和牛B負責取拼圖 目標：限時內，完成4塊拼圖 (頭部拼圖x1、眼部拼圖x1、鼻子拼圖x1、咀部拼圖x1) ^ 爸爸負責拼圖部分 ^ 完成!!   2)勇氣之丘 –攀岩大賽　（元素：互相扶持） 玩法：喺岩石牆頂部，由左至右分別設置咗4盞拍拍燈。 小朋友需要順序拍到拍拍燈，但每拍亮/拍熄一盞燈，必需回到波波池(雙腳同時碰到波)，先可以再攀向下一盞燈。 目標：限時內拍到4盞燈   3)太空彈步 – 親子田徑賽　（元素：同步共進、默契） 玩法： 1.小朋友與家長喺腳上綁上魔術貼長帶，以二人三足方式喺Air track來回行一次。 2.再一齊進入滾筒，並喺Air track上「滾」一個來回。 目標：限時內完成路線   4)奇幻互動地帶 – 親子投球賽　（元素：同心協力） 玩法：家長與小朋友全程坐喺水泡上，並且唔可以越過界線。將波波擲向屏幕，並在限時取得指定分數。 目標：限時內取得指定分數 ^ 超落力地投球，加油呀!   5)創意積木城 – 尋寶「砌」高賽　（元素：探索發展） 玩法：積木會散件分佈喺積木城每個角落，家長可與小朋友一齊收集，再喺指定區域中，將積木砌高，並達到指定高度。最後，家長與小朋友須同時碰到積木塔，方為成功。 ^ 學習用最短時間，拎到最多嘅積木 (要小心行樓梯哦) 目標：限時內，積木達到指定高度 留意：家長與小朋友之間只可傳遞積木，唔可以「拋」。   【報名參加，獲豐富選手包】 成功報名參加，參加者仲可以獲得一份豐富嘅「選手包」，入面有：Planet J醒神Cap帽、得意公仔、毛巾及水印紋身貼紙。   而各項運動項目達標完成，小朋友選手仲可以獲得Planet J小精品。   最後成功完成晒五項運動項目，小朋友選手仲可以贏得證書及精美Plant J Kids獎牌。Planet J Kids親子運動會，絕對係可以讓小朋友與家長一齊共同成長，以及創造暑假一個美好回憶。 【一個價錢參加運動會。玩足全日】 運動會於2018年8月11日早上舉行，報名費只需$250 (1位小童及1位大人)，完成運動會後，仲可以繼續喺Planet J Kids玩足全日。   【親子運動會資訊】 活動日期：2018年8月11日 活動時間：10am – 12:30nn 報名費：$250/組 (包1名小童 + 1名成人，費用已包括基本入場費)；如有額外成人，每位收費$100) 小童參加者年齡：3 – 8歲 舉行地點：Planet J Kids(銅鑼灣皇室堡13樓) 報名方法：到Facebook專頁進行網上報名( https://tinyurl.com/yd5x44xp ) 或 親臨Planet J Kids報名 【Planet J Kids場地設施】 ^休息區，另設有獨立換片室及餵奶房 ^鞋架 ^儲物櫃，方便家長放低隨身物品，玩得更輕鬆自在。 ^超大波波池海   ^多個滑梯組 ^玩樂設施配件都好多   【我的舊文重溫】 【新場!】港島區放電好去處。4千呎室內兒童遊樂場。Planet J Kids -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami                -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。