成日想整冬瓜盅俾唯b，但見到嘅都係完整迷你冬瓜，劈唔開 今日喺超市終於見到切開咗一半嘅迷你冬瓜 可以整個迷你冬瓜盅喇   材料都係平時用嚟整冬瓜盅嘅冬菇、豬肉同小蝦米 湯底係大地魚湯 冇調味都好好味   材料： 迷你冬瓜 半個 小蝦米 一湯匙 冬菇 一粒 豬肉 約40克 大地魚粉 約兩湯匙   做法： 1. 冬菇切頂、浸軟、切粒 2. 小蝦米浸軟 3. 豬肉切粒/切碎 4. 刮走冬瓜籽、起出中間肉，唔好刮太深，會容易整爛冬瓜皮 （如太難刮，可先蒸冬瓜約15分鐘才刮） 5. 冬瓜肉切粒 6. 煲滾水，加入大地魚粉，再加入豬肉、小蝦米、冬菇、冬瓜粒，滾起熄火 7. 把冬瓜外層蒸25-30分鐘（如之前已蒸過，今次可以只蒸15分鐘） 8. 將餡料倒入蒸好嘅冬瓜就完成 *蒸煮時間因應個別蒸爐而定 如有興趣看更多自理寶寶的育成和BLW的分享，歡迎到我們的Facebook Page：https://www.facebook.com/weplaynlearn/