未做媽媽之前...聽到身邊既朋友話為左BB好多野都會做... 我成日話我一定唔會...我一定唔會.. 未有BB之前我極愛自己..鍾意就買,鍾意就食.. 0係陀住魚B既時候..都好多人同我講生左BB出黎.. 你就唔會以自己行先... 例如我話過 1) 我唔會餵人奶囉,做咩有奶粉唔餵要餵人奶咁玩自己...個胸又會走晒樣.. 到HEY! 魚出世,做咩都三分鐘熱度既我..好辛苦堅持到今日依然係餵緊人奶.. 2) 我負責生出黎咋,我唔湊BB架,咁辛苦... 但最後我放棄我既生活,放棄我既工作,做一個全職媽媽照顧佢.. 3) 佢出左世我都一定以自己行先,買衫買野一定係買比自己先,BB邊駛買咁多野... 到最後,我買咩都一定係諗買比佢,上網會睇 BB野..出街會睇BB野..而自己..慳得就慳..事事但但就出街.. 4)我唔可以唔夠訓架,我會頭暈架,到時叫老公攪掂佢啦.. 依家每晚聽到個女喊一聲,我都係9秒9落床睇下BB做咩事..已經習慣左無深睡眠 仲有真係好多好多野,,,,都改變左..我承認我以前太口嚮  XD 我從來無諗過魚B出世之後我會咁大改變..前所未有咁去愛一個人.. 花盡心血見到你一日一日健康咁成長...一切都係值得 因為你，令媽媽成長... 因為你, 令媽媽變得強大 ...