今日想介紹 之前提過嘅～ 起跑馬地舉行嘅 Play fun day 附近有2個地方，好岩小朋友繼續放電～d(`･∀･)b 2個地點都係由兒童身心發展中心 行5-10分鐘就會到，所以真係好玩嘅～唔好俾佢停～play fun day玩完，繼續play 1. 户外--- 新月花園遊戲場  由兒童身心發展中心 行番出去跑馬地的電車總站，對面就會見到架啦。遊樂場都幾大，分為兩部份，無論幼兒還是年紀較大小朋友都有岩玩。除左一般滑梯，仲有繩網、擧架陣、韆鞦同氹氹轉。 2. 室內---- 黃泥涌體育館兒童遊戲室 萬一好像上次檸媽去果次咁大雨又或者想涼冷氣～兒童遊戲室會係你嘅好選擇。上到 黃泥涌體育館 4樓 行入去就會見到，分左2間房。一間是以中古城堡為主題，俾4歲以上大小朋友；另一間是4歲以下，主題是海洋世界。 2間都好新，重點係因為唔會好多人，所以唔洗分流同排隊，基本上直接入去玩就可以了：），又有滑梯又有網爬～相當好玩。 3樓就係圖書館～雖然細細地～但睇下書都好開心 有機會可以去不妨去玩下呀～^^ ------------ 以email聯絡檸媽 : snowsnowlam@gmail.com 也歡迎在fb inbox 我~ 檸檬頭 Facebook專頁: https://www.facebook.com/lemonkcal/