首先Happy 6 months (post篇文已經過左一日） 文一媽與文一一合照 （文一爸上班中） 本身諗住盡快打埋個醫院上奶篇 點知撞正文一一猛長期＋愈來愈夜訓＋半夜密密醒 我每日平均睡眠時間得5-6小時（仲要係分開幾次訓） 搞到無咩時間坐定定打上奶篇 今次就一次過打(所以又係長篇) 首先文一媽係全母乳餵哺 文一一只係醫院食過幾餐仔奶水 出世三星期左右就由樽餵轉到全埋身 比大家睇下文一一的初生同而家既對比 出世: 2.39kg(5.2磅) 現在保守估計18磅左右 （日期: 5/2, 27/2, 17/3, 25/4) 點解可以由尖臉變左蠟筆小新（汗） （左: Day 3, 右: 2months3days) 係完全肥到變左第二個B甘(笑) 2至4個月係肥到好樣衰，之後開始正常返 如果有三姑六婆又話食人奶個B唔會肥之類既說話 甘你一定要share我尼篇文(特別係張相) 即刻無聲出(哈哈) 我身邊既人一早無聲出 （其實幸運地剛好身邊既人都支持我餵母乳） （係初初我媽媽反而講點解我泵得甘少） （其實夠食咪得囉，所以我媽而家反而話我仔係大蕃薯） 由於文一一係早產B 所以健康院係用預產期黎計生長線 出院後第一次去健康院，姑娘用出世日子計 生長線係得10 (出世日計) (上圖第一條黑線） 其實打2個月針果陣已經升到生長線50至75之間(預產期計) (上圖第一條紅線） 上次打4個月針睇(果陣4個月半多dd) 用預產期日子計: 生長線75至90之間 (上圖第二條紅線） 用出世日子計: 生長線50左右位置 講到餵母乳的辛酸。血。淚。史 包括初初上奶谷奶之苦丶乳炎線丶咬損蓮姐 尼三種痛，基本上係人奶媽/餵過一陣都會有所經歷 無/少一樣都恭喜你，你真係好幸運 而文一媽我係產後第三日早上先手擠到有奶 果陣對我黎講係好鼓舞 點解？可以睇返我產後抑鬱篇 Post Link： 文一媽～瑪麗產後記(中篇)之照結構醫生嚴重失誤導致產後抑鬱 其實我上奶都尚算順利既 一日比一日多，剛好夠餵文一一 但當擠到有奶後，乳線炎就黎啦 當日已經開始發燒，所以出唔到院 日日燒到38.5度左右 兩邊加拿大位係膜到又硬又腫，塞哂 我其實唔明點解D姑娘唔教我，淨係叫我手擠 我唯有上網睇可以點解決 發現空泵／就算好少都照泵 甘我就問姑娘借電泵 每。隔。三。個。鐘。泵。一。次 （半夜要教鬧鐘起身泵） 手擠其實好易用錯力整傷乳線 用電泵就最好教按摩mode1-2分鐘先 之後轉泵奶mode，力度要又細一步慢慢教到大 千祈唔好一下子教到大 好容易傷到乳線同好痛嫁 （我試過一次，好痛） 不過我total試過三次乳線炎 當一一2個月果陣又黎多次 原因係前一晚比一一踢到個胸幾下 甘就塞左，媽媽們要小心唔好俾bb踢到個胸 點解會知？因為第三次乳線炎一樣原因（但發現得早，一日無事） 而2個月果次到發燒先發現，左胸大部分已經又紅又硬 剛好之後一日去健康院就見埋母乳姑娘 （提示：如發現乳線炎或其他母乳問題係可以返健康院搵母乳姑娘） （免費的，甘就唔一定要出去搵支持母乳醫生，要俾錢嫁嗎（C9 mode)) 見埋健康院既醫生，開左退燒藥同抗生素 放心，係可以照餵奶的 最辛酸的蓮姐被咬損 乳線炎後就係蓮姐被咬損 對我黎講蓮姐被咬損一定慘過乳線炎 因為我係蓮姐被咬走一。忽。肉 一一都因為埋身飲左血奶 第二日發現poo poo係黑色，打開果下嚇死我（因為鐵過多） 但我堅持堆埋身，所以係又結蕉，埋身又流血過 一星期後真係痛到頂唔順 泵返一日奶，但一一係唔食樽 幸好果次塞塞下就肯食 （而家係寧願爆喊，都唔肯再食樽嚕） 除了食左一日樽，其餘都埋身 食樽一日已經可以好返好多，無再流血 Total忍受左三星期先完全好返 初初每一次埋身都係要挑戰心理關口 個感覺就係一路係傷口灑鹽既感覺，好痛....... 而關於上奶產品＆食療 其實我係佛系媽媽 坐月飲過一次青木瓜花生魚湯同飲左兩星期雞湯 其實之後一路都夠奶（剛剛好） 另外懷孕時有買到babynes既授乳配方5盒（送埋部機再R多7-8粒sample) 到而家先飲左一半，但我覺得係不錯 keep住飲果排係奶量會多少少，會feel到比平時容易谷奶 （不過我成日唔記得歛） 基本上都係靠密密餵就已經ok 同埋餵前＆餵後都會飲水 （應該有關係既） 之前泵奶前飲水係容易有奶陣的 我少少既分享都幫助過媽媽gp既媽媽由窮媽媽變富媽媽 點知富過頭又變到經常乳線炎 再教返佢減產（笑） 另外我知道新手埋身媽有時都會覺得自己係咪唔夠奶 點解甘快又食？之後見無奶就餵一餐奶粉 點知開左個頭，餵奶粉既比例就愈來愈多 最後變全奶粉 其實食得密咪餵密D，等知胸知道唔夠奶 自然就會製造多D，慢慢又會夠返 同埋有時候係因為猛長期（帶時未必即時發現到） 都係密密餵就ok嫁啦 好似我甘...懶媽一名...拎高件衫就餵得 出街又帶少好多野...每月節省千幾二千奶粉錢 用黎買其他BB野或作文一一旅行基金都好 （我認我係窮，係香港生活大把人窮） 但最後想講 媽媽們對仔女既愛唔係用母乳B奶粉B甘簡單就可以斷定得到 媽媽們可能因為身體上工作上或其他種種原因而未能餵母乳 佢地背後既原因同所犧牲既 其他人永遠唔會知 亦無需要一一同其他人解釋 正常既父母們一定會想比世上最好既野比自已小朋友 （總有例外，睇新聞就知） 所以其他外人無需替別人擔心 閒言閒語就不必了 希望少少分享幫到大家 有母乳問題可以到文一一facebook page 到inbox我 大家交流下～～～ ------------------------------------------------------------------------------------ ～～文一一的成長日記～～ Facebook Page： https://www.facebook.com/charlesmanmama/ Instagram： https://www.instagram.com/lai_hung_winnie/ 聯絡邀文或試用產品: laihwong9@yahoo.com.hk
