米豬上星期六開始, 已經歲半喇~~~ 意味住返健康院評估成長進度ge日子近了~!!!  星期一就帶米豬去健康院喇~~   出世以來都係去馬鞍山健康院, 因為近婆婆吖ma~ 但而家自己湊返, 就轉返過來屋企附近了~~ 推車車都係15分鐘腳程   一早約咗10點鐘, 好準時去到, 登記完就等度高磅重喇~~ 由於係轉過嚟ge症, 所以比一般人等耐小小, 但其實都好快啊~~ 10:15我地已經去咗磅重喇~ 因為米豬已經係可以自由活動ge小朋友, 所以只係要除咗條褲仔同鞋仔, 淨係著條乾片加件薄tee, 就可以企响個磅度磅重, 但係點知米豬今日一見到個磅就崩潰喊, 係咁dum個磅..... 出動車車引都唔得, 結果要我抱住佢磅再減我磅數, 仔呀仔~ 你淡定d得唔得呀?     之後等見姑娘, 等咗半個鐘度啦~ 都比我預期中快~~ 見到姑娘, 梗係又淆底啦~!! 又扁晒咀想喊同逃走, 但係呢個姑娘好勁呀~ 佢見米驚即刻扮見佢唔到, 但又放d玩具响枱引佢, 淨係問咗我米豬日常生活ge事, 例如....   邊個湊 - 媽媽我囉 有冇咩食物敏感 - 好彩冇 有冇訓晏覺 - 有, 一日2-3個鐘不等 每日食飯食幾多 - lunch同夜晚各一碗大人碗滿ge飯(媽媽我覺得好勁, 因為我都食唔到咁多XD) 每日有冇食水果, 芝士同乳酪 - 早餐食水果, 下午茶咪芝士或者乳酪~ 有時掉轉~~ 每日食幾多奶 - 17-18安 識唔識自己行, 同埋踎低起身 - 佢跑ga姑娘 平時玩咩玩具 - 大車細車, 公仔, 書! 最鐘意睇書~!! 一日到黑都叫我講故事~!! 姑娘話睇書好ga, 講一年都係同一本書唔緊要, 媽媽間中要轉吓方法講, 睇吓有咩新野發現到 肯唔肯食菜 - 冇菜會反枱 仲有冇用奶樽 - 有, 姑娘話要慢慢戒喇 識唔識自己不飯 - 我覺得唔識, 但姑娘話佢有intention自己拎隻匙羮不飯放入口, 成唔成功都好, 都叫做識, 始終歲半人仔, 仲有好漫長ge路, 媽媽唔好急住甩身~ 識唔識分自己5官同手腳 - 未夠1歲已經識喇, 1歲之後教埋佢奶之, 肚dum同咕咕~  識講咩字 - 唔係自己識唱歌0個d就得, 要識講齊以下五類, 包括: 人物，食物，物件，動物，行為 米豬識講ge 人物: 爸爸,媽媽,婆婆,嫲嫲,祥祥(公公),屁屁(表妹),超超(舅父仔) 食物: 米米, 蛋蛋, 包包, 雞雞, 奶奶, 米米(佢自己個名) 物件: 車車, 波波, 燈燈, 腳腳 動物: 喵喵, 汪汪, duck duck, pig pig 行為: 謝謝, 街街, 食 問晒之後見米豬開始定d, 就考佢疊高高喇~ 比咗5粒1吋*1吋ge小積木佢, 我示範一次之後就到米豬做, 好叻仔啊~~~ 疊完一粒又一粒~ 姑娘話疊到3粒已經合格, 佢疊到5粒係叻叻豬~~ 小肌肉發展得好好, 而且做到手眼協調~~ 我地都唔叫做有練過, 但係我平時比星星餅呀, 零食呀, 水果呀0個D都係一粒粒放响度叫佢自己拎來食, 間唔中同佢玩吓疊高高咁, 估唔到係訓練到小肌肉同手眼協調ga~~   跟住就考佢識唔識照顧人喇~ 比咗個公仔米豬, 叫佢餵公仔飲水水, 餵公仔食野, OK wo~ 做到~ 仲請埋我飲添~~ 因為平時米豬見到屁屁表妹同豆沙表妹, 都成日想請佢地食野呀~ 所以佢就好慷慨囉~~   姑娘有特登問我, 米豬有冇玩大車, 原來唔止玩咁簡單, 係學習大肌肉控制ga~!  另外照顧公仔就係睇吓呢隻米豬豬有冇同理心喇~~~    由於姑娘guide得好好, 米豬又好配合, 所以我地歲半test就pass喇~~~ 下次再返嚟就係4歲驗眼喇~~~ 要打返去book, 希望我到時記得啦XD   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/