生完綿綿頭1個月，因為開刀傷口發炎，未埋口未復完，比較難埋身餵人奶，所以令我深深體會到揀一個適合自己嘅奶泵真係好重要。 其實我都試過唔同牌子嘅奶泵，初初以為都係差唔多，但試落先知原來真係有分別，後期經一位媽媽介紹下，最後轉用了依個牌子嘅電動雙泵。 其實泵奶有時都會為媽媽產生不同嘅問題，我自己黎講嘅話，通常每次泵奶都會泵30至60分鐘，一日最小泵5次奶，始終岩岩生完bb, 腰骨會較攰，我開頭用其他牌子時，發現會腰痛。 因為我成日會為左就個奶泵向前傾，如果唔向前傾，就會好容易漏奶。相信好多媽媽都覺得母乳滴滴皆辛苦，完全唔想浪費每一滴。 但其實長時間就住坐姿去泵奶係會好易腰痛，加上我腹部傷口未埋口，就更加覺得辛苦。 後來轉用新嘅奶泵就發現泵奶時原來都可以好隨意輕鬆咁直坐，唔需要因為配合收集母乳而將身體向前傾，所以都好少會再腰痛，同時都可以確保所有母乳流入奶樽。 另外有一個問題，唔知其他媽媽會唔會遇到呢？開頭我試用其他牌子，泵奶時或泵奶後，乳房及乳暈會有小小刺痛，已經將力度調教到最細，都無幫助，所以有時都會怕左泵奶感覺，而始終自已係新手媽媽，以為痛係正常，但為左綿綿唯有頂硬上。 後來轉用新奶泵之後，先發現好正，好後悔唔早啲轉用，等自已痛左咁耐，因為吸奶喇叭有按摩墊，質地好柔軟，所以可以舒緩乳房嘅痛。而且佢嘅按摩功能能夠輕鬆刺激奶量，再配合合適自已嘅力度，泵奶就唔會再痛了。 另外都想同大家分享下依個儲奶杯。 其實我十分欣賞呢個儲奶杯，因為佢可以直接連接泵奶器使用。每次泵奶奶量唔同，有時埋身餵完，我都會泵埋餘下嘅人奶，容量所以唔會太多而且唔夠bb一餐飲用。係呢個時候就可以先儲起，再等下一次泵嘅奶加埋一齊，夠一餐份量時先俾綿綿飲用，非常方便處理。 依家綿綿3個月大，而我傷口已經好番，所以我可以理身餵奶，但唔代表唔駛泵奶。 因為每次餵完奶，我都會泵埋餘下或另一邊胸嘅人奶作儲備，每次都泵清可以預防塞奶及幫助增加奶量。所以無論埋身餵、奶樽餵、全職或在職媽媽，都好需要一部合適自已嘅奶泵看門口。 人奶路真係唔易行，能夠係平台上同各位媽媽互相交流，分享，打氣及支持，已經好開心，希望大家喜歡我今次嘅分享！ 歡迎隨時follow"綿綿媽媽"的足跡: https://www.mamibuy.com.hk/home/13092 https://wow.esdlife.com/sukimama http://mami.presslogic.com/author/suki/