迪士尼一直都好受一家大細歡迎，以前未做媽媽，只係覺得「好熱」、「好多人」。但做媽咪之後，唔知點解就會好想帶自己個b去玩。因為一直以黎，我都好想中意同小恩恩去街，覺得可以儲多d同佢之間既回憶，又可以等佢睇多d望多d！ 好耐之前迪士尼搞左個抽獎活動，竟然比我抽中左7月既門票！！突然醒起張飛未用，7月又就快完，就拿拿臨好即興咁同小恩恩去玩。可惜恩爸星期六日都無假放，只好我同bb兩個去。(๑•́ ₃ •̀๑) 一入到迪士尼，自己即刻都小女心左勁多，真係好有身在城堡既感覺（今次係我第二次黎，又大開眼界左）。加上帶住個女，個人更加無比興奮，好想將呢份喜悅分享比佢！ 可能你會覺得咁細個bb，會有野玩咩？其實，迪士尼有好多遊戲bb都可以一齊玩，例如小小世界，Winnie The Pooh，旋轉木馬等等都係可以帶埋bb一齊參加！ 只不過真係要等好耐，因為今次係免費飛，所以我目的都係入去行下，睇下表演，同bb影下相咁！ 小恩恩上左隻馬之後，升高升底個陣樣好驚訝，好似發現新大陸咁！見到佢咁可愛又發現到新事物，都真係好開心啊！ 小恩恩好怕隻馬，哈哈(๑•́ ₃ •̀๑) 仲好幸運咁見到Winnie The Pooh！(ﾉ>ω<)ﾉ 因為今日真係好熱，所以都不停行入去d鋪頭到過一過冷河！唔知係咪好耐無去迪士尼，我發現原來好多好多bb野買，d衫仔全部都好可愛！我都忍唔住買左兩件衫仔比小恩恩！(*´∀`)~♥ 等佢再大d買公主裙先～ 大家都知，我係一個母乳媽媽，去到迪士尼當然都會用下佢地既育嬰室啦！入面都好舒服好乾淨！人多既話，可能要兩個媽媽一齊Share用。不過有小小麻煩既係，成個迪士尼只有一個餵奶地方，每次都要行返去美國小鎮大街先可以餵到奶。 最後，不得不提既係花式巡遊喇！bb睇得好開心，又會笑下咁。希望可以富豐一下佢既眼界！好多表演者都專登黎同佢Say hi，好sweet啊！！！ 媽媽們同bb去迪士尼，記得幫佢地帶多兩件衫仔同汗巾啊！因為夏天去真係好熱，好容易出汗，要勤力d抺身同換衫啊！另外，一定一定要帶遮同扇仔啊！ 下個月小恩恩就半歲喇！恩爸話下個月再陪我地去玩！到時識坐一定好玩好多姐！ξ( ✿＞◡❛) Like我Facebook同IG會更快知道我同小恩恩既Update架！ Facebook：https://www.facebook.com/90sMummy/ Instagram: https://www.instagram.com/minarainlo/