懷孕嘅時候必影嘅係大肚照，其實影大肚相係為左紀錄媽媽10個月嘅辛勞同埋同BB心連心嘅時刻　我影大肚相都揀左好耐，因為我大肚果陣又肥又腫，鼻又大，但都無阻我影大肚相嘅意慾，但最後我揀左間比較著重自然同埋全不P圖靠攝影就可以影到媽媽靚靚嘅一面嘅公司，遲下我再同大家分享 今日我最最最想講我覺得餵人奶真係要紀錄一下，當然一來要讚賞下自己有噤嘅堅持　以前三分鐘熱度嘅我，而家可以為左米子上網做reserach睇下點樣令自己做得好啲，身邊嘅朋友都比個叻我。 當中我有諗過整人奶皂等米子大個都可以繼續有白雪雪嘅皮膚，但始終有用完嘅一日，之後我又再聽其他媽媽介紹用人奶整嘅BB手模腳模，細細粒用黎做吊飾又得，頸鏈手鏈鎖匙扣。 不過最尾我都係揀左影一輯母乳照，輯相當中包括左仔仔嘅獨照，爸爸同仔仔嘅獨照，媽媽同仔仔嘅母乳照同埋家庭照，影80mins. 影相當日（米子差不多兩個月） 當日去到studio嘅感覺好好，因為環境好乾淨同埋好光猛，皆因米子唔鐘意去啲黑蚊蚊嘅地方同埋好怕熱，繼而米子個反應都幾好至少無喊仲好好笑容無扭偈。 之後就邀請左我去化妝先，因為我化妝需要大概15－30分鐘，噤響我化妝嘅時候米子已經換緊衫仔影左個獨照先，當我望到米子訓響個豆豆梳化度影，之後我心入面就諗噤又大左1個月，真係每次影嘅相都唔同表情同啲動態都大個左，重點係輯相竟然係全部睜大眼。首先影左2個造型先，之後就到爸爸上陣，攝影師姐姐叫爸爸脫左個上身衫親近下BB，竟然影出黎個效果好溫馨仲影得爸爸好瘦添，哈哈　影得噤上下米子開始唔耐煩響度扭偈響度喊，但攝影師姐姐同化妝師姐姐都好好有愛心，不停氹BB，咩法寶都出齊，又有響紙又有噹啷，米子先冷靜落黎 米子又醉了 到我化好妝，就揀衫影相喇，衫大根有2X條到，每條嘅款式都唔同，都好多選擇，花多矚亂，最尾響攝影師同化妝師姐姐推介我揀左件一字膊嘅裙一來方便一陣影母乳相二來就係最緊要遮到我粗壯嘅手臂，換好衫就開始影 首先影左獨照先，唔知係米因為我抱嘅關係米子就無扭偈好順利影左第一PART，之後就到有奶食，米子當然興奮，因為我響滿月後已經無埋身（因為之後翻工，怕適應唔到樽所以就全泵媽），我一埋身，米子已經立即啜啜啜，果下我真係好感動，因為大個左已經識攬住我㩒住我乳房，果刻真係好sweet,我個人醉左，米子仲食到好飽飽又露出左醉樣，真係用錢都買唔到 最後影家庭照，我地照舊好老套噤著情侶衫然後仔仔著件卡通衫黎撘配翻一齊，不過可能影到累，米子真係有啲扭偈，最後影左一陣再加啲獨照就完工。 總結我覺得經過影母乳照真係可以影到媽媽同BB嘅親密時光，係真係媽媽尊有嘅，爸爸就算脫左上身衫最close都唔夠，因為媽媽同BB一早已經心連心血脈相連，好似好誇張噤，不過影過母乳照嘅媽媽都覺得而家望翻真係覺得好溫馨 另外我覺得攝影師姐姐同化妝師姐姐嘅氹BB技巧都好好，因為影BB真係要好有心機先捕捉到個靚樣先有靚相，至少米子都好順利噤影曬80MINS，所以我都覺得係物超所值 睇相先 希望你地鐘意我嘅小分享 大家喜歡可以like我的米子日記，入面有我湊小朋友嘅小分享， 同蝦碌好笑野大家可以like & follow :https://m.facebook.com/MyLittleSIAS