你會唔會成日都覺得放工返黎好累、壓力好大？有時我地因為身心過勞，就連頭皮都會向你發出警號，我地都要學習細心留意自己嘅身體，大部份人通常都係注重自己嘅面部同身型，未必人人都會留意自己頭皮嘅健康，有時當我地遇到壓力或者去到一d樽頸位嘅時候，我地可能都係會選擇去做運動、全身按摩來令自己relax，但就偏偏忽略咗人體一大關鍵「頭皮」，我地嘅頭皮之下就係大腦，不正正就係我地平日腦力與工作戰鬥力嘅源頭，再者頭皮同頭髮，更加係影響職場第一印象嘅重大關鍵呢！ 所以今日芳療小分享，就教大家一齊簡單動手DIY支亮髮紓壓頭皮按摩油比自己同家人，如果唔想自己成頭油，不妨試下透過呢支頭皮按摩去幫自己做返個頭皮按摩Hair Spa、釋放頭皮疲憊，維持健康髮絲！ 頭皮按摩Hair Spa 可以促進頭皮血液循環、平衡油脂，暢通養份輸送機能，幫自己的身心放疲憊！ 而係精油方面，Rosemary迷迭香精油係好古老嘅時候已經被應用係醫藥植物上，除咗有殺菌同止痛功效之外，亦同時係保養皮膚同頭髮嘅重要一員。如果用於頭皮按摩，亦可以剌激氏毛囊活化，令髮色更光亮，仲有減少髮絲脫落嘅功效。 相信大家都知道薰衣草精油嘅用途極多，亦係最好嘅按摩油。Lavender Essential Oil可以舒緩肌肉痠痛之外，用係頭皮按摩亦可以剌激穴道，帶動血脈暢通，令壓力得到釋放，達到安撫嘅目的。 底油方面，選用辣木油係因為珍奇辣木油 Simple miracle可以幫助維持頭髮保濕度，散發自然光澤，因為由辣木裡萃取出黎嘅公平貿易辣木油，每個部位都富有營養，仲可以供應人體無法自行製造嘅8種必須氨基酸，對支援頭髮健康亦很不錯。 做法好簡單，只需幾步，就可以為自己護理頭皮。 工具: 30ml 遮光泵頭玻璃樽一個 村料: A.精油 迷迭香精油 Rosemary Essential Oil – 3drops 薰衣草精油 True Lavender Essential Oil – 2drops 甜橙精油 Orange Essential Oil – 2drops B.基底油 珍奇辣木油 Simple Miracle Moringa Oil - 30ml 做法: 1. 首先將遮光泵頭玻璃樽洗理乾淨。 2. 將上列 A. 精油加入加入30ml遮光樽中 3. 再把 B. 基底油 珍奇辣木油加入至樽身裝滿 4. 扭緊樽蓋，以「開奶」前後推轉嘅方式搖勺整樽，即成。 頭皮按摩Hair Spa 我地做頭皮按摩個時，要留意指腹稍微用力，反覆壓迫頭皮後放開。 首先可以雙手張開開放係頭皮上，由頭髮邊緣到頭頂、以小螺旋方式用指腹按壓。 按摩完之後，用溫水同全天然嘅洗頭水，洗乾淨按摩油就可以啦！ 如果想加強精油滲透效果，亦可以係按摩動作之後，以毛巾包住成個頭部，在外用風筒稍微小熱吹1-2 mins。之後同樣用溫水同全天然嘅洗頭水，洗乾淨按摩油就可以啦！ 孖媽開心share芳療小貼士: 改善頭皮屑功效 如果喜歡樹木味嘅，可以將甜橙精油 Orange Essential Oil 換成 雪松精油Cedarwood Essential Oil， Cedarwod精油氣味剛強、具有調合同振奮神經的功效，既可以減少壓力同緊張，又可以有效改善頭皮屑。 降低頭部油脂分泌功效 如果頭皮容易出油，可以將甜橙精油 Orange Essential Oil 換成 快樂鼠尾草精油Clary Sage Essential Oil，因為Clary Sage精油對降低頭部油脂分泌有特別有效、同時亦可以改善頭皮屑問題。 頭髮健康之始，其實就係頭皮嘅狀態，大家都一齊做呢支成份全嘅天然亮髮紓壓頭皮按摩油，去呵護同舒緩頭皮嘅負擔！ 請緊記把你親手DIY嘅亮髮紓壓頭皮按摩油存放在乾燥無陽光照射到嘅地方，仲要記住每次使用完整都要扭實個蓋呀! 我和孖寶的Facebook Page: 荔枝與孖寶 我和孖寶的 Instagram IG#: laichimama Oh爸媽 - ohpama.com: Featured Bloggers MamiBuy香港媽咪幫：駐站部落客 Sunday Kiss: Featured Bloggers SuperMami HK：Featured Bloggers Beauty Exchange：Certified Blogger WeShare HK 親子： 推薦博客 ESDlife: 「靚太星級榜」Blogger 廿四孝父母 - 24parent.com: Featured Bloggers 媽媽經台灣/香港站: 駐站作家 uBaby 懷孕育兒生活雜誌: 駐站作家 香港01: 專欄作家 If there is any question or you looking for me and the boys, please feel free to contact LaiChiMaMa via Email: cherrywcchan@gmail.com
