由魚B出世到依家都係全母乳,黎緊8月8號就係我母乳路既CHECK POINT 啦~!!! 半年啦~!!! 不過今次想分享一D餵母乳既好物.. 用品相信大家都有一堆,(奶袋,奶杯,喇叭等等...) 所以我介紹既係補充品.. [母乳] 媽媽食咩,BB就食咩...初頭我都跟足營養餐咁食.. 隨住魚B長大,我都無太多時間去講究每日餐單,有時出街食飯就更加理唔到太多... 但我係有食多D肉類既,因為始終食物吸收既營養係最好 (其實正常既飲食都足夠比到BB所需:) 講番補充品..由陀住魚b開始我有呢隻補充品, 幫助補充葉酸、鐵、鈣的營養輔助食品。 推薦給懷孕期・哺乳期的女性服用。 個陣去日本買左一大堆,因為諗住點都要食...所以大手入貨. 呢個香港暫未有賣,要買就辰搵朋友去日本幫手買啦~! 到之後我就發現左另一款叫blackmores既黃金營養素.. 呢個牌子出左好多好多唔同種類既補充品.. 呢一款由懷孕到授乳都可以食,,(我開始食已經係授乳期) 點解我買呢隻呢.. 因為呢隻有葉酸、碘、鈣、鐵和DHA等15種重要營養素給媽媽同BB... • 碘有助促進嬰兒的大腦，視力和聽力發展 • 鐵質或有助降低嬰兒出生體重偏低的風險，媽媽貧血和缺鐵的風險 • 高濃度魚油含豐富DHA，為BB大腦，視力和神經系統的發展打好基礎 • 維他命B集有助支持細胞生產能量及促進葉酸的功效 • 鋅，維他命C和β-胡蘿蔔素有助支持免疫系統健康 食法好簡單, 每日2次每次1粒就OK!!! 之後介紹既,建議母乳媽媽要買定睇門口.... 希望你地用唔著啦,,, 埋身餵BB好多媽媽都比BB咬損乳頭,咁敏感既位置損左再比BB啜.. 真係餵到標冷汗..唔餵又怕跌奶量.. nipple cream 羊脂膏 我買左好幾隻唔同既...呢隻我比較推薦.. 佢搽左之後係有舒緩痛楚.. 同埋比平時快左埋口.. 佢係百分百高純度天然羊脂製造，無任何抗氧化劑或防腐劑.. 另外仲有其他用途..嘴唇乾燥、尿布疹、乾皮膚搽都好有效 仲有樣好處係餵奶0個陣唔需要抹走都得.. .. 之前我已經試左乳頭念珠菌同乳腺炎.. 魚媽之人奶路分享(健康院) http://mamibuy.com.hk/talk/article/68324 乳腺炎真係好痛,仲會發燒,成身酸痛,湊B都無力.. 以下2樣都係自救物品..   大豆卵磷脂 來自加拿大著名的母哺專家，傑克．紐曼醫師（Dr.Jack-Newman）所撰寫關於：「卵磷脂可預防乳腺阻塞」。 作用係由增加母乳入面多元不飽和脂肪酸既比例，來降低乳汁既黏稠性。 但大家無塞奶就唔建議食..因為我食左之後D奶變稀左好多.. 所以有需要先用啦,,, 預防勝於治療 ..定時定侯餵奶比起食卵磷脂有效.. 若果真係乳腺炎,可以試下食左先..再比BB吸啜塞左既位(下巴對準硬塊位置) 餵完冷敷都可以消除腫痛:) 到最後介紹係通乳寶,當我覺得個胸硬到唔尋常... 我就唔會食卵磷脂..直接食通乳寶.. 佢係由草本植物萃取物調製.. 幫助乳腺突然堵塞既特效草本，令乳腺通番.. 通常食兩次已開始見效.. 食左可以照餵奶.. 不含西藥、防腐劑.. 記得..要係有需要先食呀~!!! (產品由美國食品及藥物管理局認可的生產廠製造。)---放心晒:) 希望小小分享可以幫到各位母乳媽媽,,,祝大家奶路暢通  :) 聯絡我或產品試用:RUBY.1125@HOTMAIL.COM facebook page : @haileybabywhy (hey魚b之日常)