做這個BB版甜品杯， 其實概念在於用清屋企嘅米糊及牙仔餅。 之前買落好多， 但隨著Bella長大， 佢對就咁開嘅糊仔同牙仔餅很抗拒， 餘下的掉又浪費，送人又不恰當， 腦海一直都諗點樣比Bella食左去呢？ 而最近個衰妹每次路過屋企樓下嘅西餅店， 都會被凍櫃入面嘅蛋糕甜品深深吸引， 一直都要扯我埋去唔肯走， 結果又係驅使Bella媽自製比佢食。       用盡牙仔餅及米糊仔， 加多隻牛油果， 做左個BB版牛油果木糠布丁杯。 呢個甜品，七個月大都可以食， 但最好是即食不要雪， 如果大一點的幼兒， 想初嚐凍品，那也可以封好蓋面， 放雪櫃雪一兩小時後即食。   材料： 牛油果半隻 糊仔+配方奶 牙仔餅   做法： 牛油果切開後， 如果夠熟，可直接壓成軟淋淋嘅牛油果蓉。 如果還是較挺身， 則加一點點水或配方奶， 用blender打成蓉。       牙仔餅揼碎，   開配方奶開糊仔， 留意不要開得太稀， 要有點“杰”嘅質感。         然後就係逐層鋪上材料~ 頂部可再加入BB餅仔及水果做裝飾~           就這樣簡單的完成了~       明明已對形仔餅及糊仔無興趣, 稍加點心思, BELLA又另眼相看~~ 下次再分享更多創意BB料理, 記得留意我地FACEBOOK PAGE 更新~~           ************************************************************************ ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk       IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange   OH!爸媽!  MyBB.Com  香港媽咪幫  UBABY 媽媽經  親子日常