上次講到响 Norway Salmon Express 漁鮮快遞 訂咗一大袋餸, 梗係趁新鮮整晒佢啦~~ 今次用佢地ge八爪魚粒整pizza~~~ 食飯食到悶嚟講, pizza不失為一個唔錯ge選擇啊~~~   由於媽媽我個人真係比較...... 麻煩...... 又怕買現成d野多添加劑, 所以今次, 我地一BLOG 3食譜, 包括: 自家製蕃茄醬, 自家搓pizza底同埋自家砌海鮮pizza   自家製蕃茄醬 (上星期整落, 唔記得影) 材料: 大蕃茄 3個 洋蔥 半個 糖 2茶匙   做法: 1. 蕃茄底部界十字, 放滾水焯3分鐘後撈起, 沖凍水去皮 2. 蕃茄, 洋蔥全部材料切件, 加糖煮滾後轉超細火煮到收晒水(約45分鐘) 3. 用手提攪拌器或者攪拌機打碎 4. 放入已消毒ge玻璃樽冚蓋攤涼後放雪櫃, 一個月內用晒佢   Pizza底 材料: 高筋麵粉 500g 凍滾水 300ml 糖 一小撮 鹽 一小撮 乾酵母 5g 橄欖油 30ml 臨開工先發現冇晒高筋粉, 米豬又訓咗落唔到街, 中筋頂住先啦_へ__(‾◡◝ )> 冇事ge, 最多係冇咁煙靭啫~   做法: 1. 將麵粉, 糖, 鹽, 酵母放晒落一個大兜度  2. 慢慢加水攪勻 先加200, 搓到有8成粉痴埋一舊就再慢慢加水, 加到個麵糰好似下圖咁  3. 由得個麵糰rest 10分鐘, 再落油搓到光滑 (跟住隻手好多麵粉冇影到相) 4. 搓完冚塊濕布由得佢响廚房發酵2小時到2倍大 (我仲要有個爐頭煲緊湯, 唔駛一個鐘已經變到勁巨), 如果冬天ge話可以成舊麵糰連兜放入焗爐, 爐入面放一杯熱水, 咁就可以發酵ga na~ 5. 呢個份量整到1個6吋同2個10吋pizza, 用唔晒唔緊要, 包保鮮紙放入冰格, 一個月內拎返出來解凍搓圓gum扁又用得返   海鮮Pizza 材料: 麵糰 按食量需要 免治豬肉 半碗 白蘑菇 5粒(大) 洋蔥 半個 粟米 1條 蝦仁 20隻(細) 八爪魚粒 30粒 辣肉腸 半包(大人批先落) Parmesan Cheese(已刨絲) 半包 調味: 蒜粉 3茶匙 lemon pepper 1茶匙 五香粉 半茶匙 蒜鹽(大人批食材用) 半茶匙 八爪魚粒開完可以zip返~ 一次食唔晒都唔駛怕  巧大粒啊~    做法: 1. 免治豬肉先用1茶匙蒜粉, 半茶匙五香粉醃十分鐘, 然後略炒到變色, 記得督住炒如果唔係就變咗肉餅 2. 洋蔥切絲, 蘑菇切片, 粟米起粒 3. BB份量: 蝦仁拎1/4切粒, 八爪魚粒拎1/4切細粒, 落1茶匙蒜粉同lemon pepper醃15分鐘     大人份量: 蝦仁, 八爪魚粒落1茶匙蒜粉同半茶匙蒜鹽醃15分鐘 4. 工作枱灑上手粉(即係麵粉)   5. 成個麵糰放上去, 碌平  6. 分3份, 一份細d比米豬, 2份大ge我同老公一人一個~ 呵呵呵~~  7. 先整米豬0個份, 碌平咗摺起邊邊, 就用媽媽自家製蕃茄醬做底醬~ 8. pizza底用叉拮勁多窿, 之後搽蕃茄醬, 同時預熱焗爐200度 9. 依次序(或個人喜好)舖上洋蔥絲, 蘑菇片, 粟米粒, 肉碎, 八爪魚粒同蝦仁  10. 加Parmesan cheese   11. 放入爈200度焗7分鐘, 之後220度焗多3分鐘, 香噴噴~ 食得喇~  爸爸今晚夜返, 所以米豬食頭圍~ 媽媽, 呢個咩嚟ga?  有好多粟米呀~ 正呀~!!  為食仔, 拎晒d面料食........ 個批底要餵.......  見你食得咁開心就由你啦~ 好~ 講返大人版~ 其實同BB版造法一樣, 不過會加辣肉腸(爸爸要求)   煮食小貼士: 1. 蕃茄醬可以煮一大un慢慢用呀~~~ 0個次咁啱得返3個蕃茄又趕住返娘家做成個星期廢青, 所以就用晒屋企d蕃茄來整, 得半樽 2. 麵糰發酵時記得冚濕布, 我今日唔記得咗冚佢個面乾咗.... 3. 220度高溫再焗多陣, 係因為蘑菇會出水, 用高溫焗返乾d水份就會脆口d~   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/