就岩放假，當然要同家人一齊去玩啦～～～ 香港玩到悶悶地，就試下勇闖深圳， 今次一日遊有5大4小，9個人！ 但帶住一堆小鬼，仲有個未食得街外野既BB， 只好來個快閃深圳一日遊！XD 我地既行程好簡單，無挑戰性， 只係在萬象城玩一圈就算～     我地由柴灣出發，坐車都花左好多時間⋯⋯ 118去到紅磡再轉東鐵去羅湖， 好在小鬼們佢地都可以自娛一陣！   上到去深圳，就搭地鐵去萬象城。 乘坐1號綠色綫在大劇院站落車 (車資¥2)， 在大劇院站C出口就是萬象城～～   萬象城基本上是一座好大好大既商場， 除左好多商店餐廳，更有戲院、溜冰場、唱K⋯⋯ 附近有書城、沃爾瑪(WALMART)！     第一站 - 蓉悦川菜 醫肚食午餐先～ 餐廳好光鮮企理，服務好，價位中上，有BB椅供應， 主打川菜，辣的菜色偏多， 但都有適合小朋友的不辣食物。 點心小菜都很精美，但吃太快又要顧小孩，都沒時間拍照XD     小朋友們吃飽就看一會卡通片， 大人們就快快清埋檯上的美食XD   蓉悦川菜 地址：寶安南路1881號華潤中心一期中區萬象城四樓468號     第二站 - 喜茶黑金店 來深圳玩，一定一定一定要去潮聖一下「喜茶」！ 暫時在香港都未有同佢一樣咁好味道的芝士奶蓋出現！     一口氣買了5杯～～ 有芝士茶王、四季春、芝芝桃桃、滿杯橙橙、黑糖珍珠奶茶， 第一次飲的家人表示～好正！ 還好不算超級多人排隊，大約半小時就可以取！ 建議有大陸DATA的朋友先用微訊關注，DL APPS，可以預先購買就免去排隊之苦！     小朋友都喝得開心！！！   喜茶黑金店 地址：羅湖區華潤萬象城一期1層G009號舖           之後就在萬象城周圍行下， 有書店、玩具反斗城等～～～ （同香港一樣的活動，但地方大點走動可以多點XDXDXD）     傍晚就去左行沃爾瑪(WALMART)！ 一共有兩層，超級好行！ 係超級市場＋生活百貨＋文具玩具， 大人小朋友都有收穫～     而靚媽就去左沃爾瑪旁邊整GEL甲XD 價錢不算便宜，¥100， 但位置方便，又不用等，比香港便宜就好了！   兩個小女孩跟埋我地去，睇住我地整指甲， 佢地話好得意好靚！     沃爾瑪 地址：羅湖區蔡屋圍萬象街33號二樓及三樓       如果不是帶小朋友來玩的話， 更可直接去老街行東門、吃探魚、海底撈等等～     由於小朋友的電力開始短缺， 我地最尾一站就是在附近的港式茶餐廳吃個晚飯就回港！ 不得不說，這間都好岩一家大細來， 口味港式，中西餐都有，地方好大，有BB椅，價錢優惠，服務都非常好！     最尾回港前再買多杯手調楊枝金露特飲， 好滿足返香港！   雖然無咩特別，但叫做離開了香港， 行下同平時不一樣的地方～ 小朋友們有街去就開心，仲可以又食又玩！     * * * * * *   2018 BB展 最強情報！美贊臣優惠多到爆炸！   親子遊記：[Video] 香港科學館 [Video] 葵涌Party Room Amomo Party Planet  [遊樂小記] 611 BB party room [遊樂小記] 出遊用品篇！ [遊樂小記] 親子遊 ＠ 坪洲 [Video] CRECRA Fair - Sanrio 手作設計市集 [遊樂小記] 親子遊 ＠ 20180527 消防安全繽「Fun」日 丁丁日常： [成長日記] 第一次帶丁丁做眼睛檢查｡◕‿◕｡ [學習日常] 圖書館免費上堂！ [成長日記] 將學習放於遊戲～認字卡～ [育兒有感] 電子奶咀 定 與時並進 [成長日記] 3Y3M 分床訓, 達成! (加淘寶小分享) 親子小時光～ 一起共讀的樂趣！ 淘寶寶。淘小朋友去飲衫! 過年衫! 細細佬日常： [細細佬成長日記] 1歲的生日禮物 － 手足印泥 [成長日記] 動手DIY, 用舊衫做小枕頭! [細細佬成長日記] 未戒夜奶又如何？！ 【嬰兒車推薦】買BB車的六大要點!＋ 推介開箱文Combi Mechacal Handy２! * * * * * * Follow: FB: www.facebook.com/MrsKan.blog IG: mrskan_net (http://www.instagram.com/mrskan_net/) Youtube: Mrs Kan (http://goo.gl/9EqI55) Kan夫人。生活雜記 歡迎聯絡合作: Email: ja20121111@gmail.com http://www.ja20121111.blogspot.hk