雖然呢個唔係新場，但平日無包場嘅時候，散場$75 包一大一細玩足3個鐘，仲要飲品任飲，真係好抵呀！呢度就係我地上次攪媽媽生日聚會時嘅場地Amomo Party Planet！好老實講，佢離葵興地鐵站需要步行約10-15分鐘左右，未算特別方便。而且場地比起其他大型playroom 亦唔算大，不過亦因爲咁，媽媽我就可以一覽無遺，唔洗擔心佢唔知走咗去邊度。 ▲場地唔算好大，但勝在多嘢玩       另外，場內鋪了軟墊、窗台邊包上防撞膠，更細心地設有換片台、哺乳地方等等。呢方面真心讚（人奶媽表示）。至於玩樂設施，個人覺得較適合嬰幼兒玩。不過對於電力兔嘅Alfred 都夠玩！ ▲適合嬰幼兒玩嘅玩樂設施，小滑梯           ▲煮飯仔及超市         ▲毛毛蟲隧道   ▲唔同嘅搖搖馬   ▲小攀爬架   ▲哺乳地方       ▲換片台       ▲儲物架   另外，呢度除左包場開Party外，亦會舉行唔同嘅親子工作坊、messy play、英語唱遊班等等。當然，無包場嘅時間，更歡迎散場客$75 任玩三個鐘，仲飲品任飲添！         總結：暑假咁熱，帶小朋友去室內放電就最適合不過啦！呢度散場客$75 任玩三個鐘，仲包飲品任飲，除返每個鐘都係$25包埋飲品！！！好老實，如果大家唔嫌遠的話，去呢度玩下都好過暑假去排政府嘅室內遊戲室啊！     友善提示：記得去之前向Amomo Party Planet查詢有無被包埸呀！   ********************************** Amomo Party Planet 地址：葵涌青山公路403號（華星街11號入）匯城集團大廈11樓A室 （葵興A出口行10分鐘） Whatapp： 61927606 Facebook：https://www.facebook.com/amomopartyplanet   **********************************     （以上資料更新至撰文當日）     聯絡電郵： alfredbb325@gmail.com 最近開始玩IG，歡迎追縱：allaboutalfred 最近開始玩YouTube，歡迎追縱： allaboutalfred     追踪更多育兒生活分享，請按 Alfred 成長日記        駐站BLOGGER: