話咁快，海豚BB五個月大啦，係時候要試吓加固食物。 除咗俾米糊佢食，我都想自己用有機食材整俾佢食， 因為自己整最安全健康～ 係媽媽 group中唔少媽媽推介應該要買返一部嬰兒食物處理器， 而我自己都心大心細睇左好多個牌子，最後都揀定左一部～ 我揀嘅依一部同時兼備 4 款功能: 蒸煮，攪拌，解凍與加熱， 當我同媽媽們分享嘅時候，佢地都不若而同地話依部機好方便！ 作為home office 嘅ftm, 方便快捷好重要！ 使用上真係手殘都識用， 一個方向係蒸煮食物（設定所需蒸嘅時間） 反轉就係攪拌 完成！ 第一次整：南瓜蓉 洗淨切粒放入去蒸熟攪成蓉，用左20muns， 當中15mins 可以做其他事。 好快又簡單就整成好綿滑嘅南瓜蓉， 爸爸媽媽即刻試味， 超好味~~~~~~~ 無落任何調味嘅南瓜原來都咁甜， 有點像南瓜露。 給海豚BB食，佢起初嘅樣係： 「這是什麼味道？」 佢係第一次食南瓜， 之後就不斷急住想食多一口， 唔駛一陣，已被佢KO左一小碗南瓜蓉！ 見到她咁鐘意，我好開心呢~~~~~~~~  因為第一次唔知道佢鐘唔鐘意， 我整多左嘅一半就收係附送嘅儲存盒，放係雪櫃收藏。 第二天再直接原個放入食品處理器蒸熱就可以食了！ 好方便。 至於清洗方面，也只要加水按攪拌功能，再用水沖沖即成， 因為都沒有油，所以很好洗的說~~ 另外，都想講下依個湯匙~ 都係同一牌子的， 之前曾經係BB展拎過唔少幼兒湯匙贈品， 但發現唔同嘅湯匙真係有不同， 好似依個有防滑手柄，方便握牢及放係碗中，唔會滑動， 而前端十分柔軟，可以好好保護海豚BB牙齦~ 要買湯匙的話都可以參考一下。 經過今次依個南瓜蓉， 我依家都諗緊之後整咩俾海豚BB食， 以前自己對「食」要求唔高， 但對自己嘅BB，「食」要求就要提高。 而我依家先知道，自己料理出來嘅食物， BB喜歡，自己會係咁開心架~~~ (雖然我都只係洗洗切切放入機 XD) 大家也來一起交流新手爸媽的湊B樂吧！留言或私訊我也可！ DolphinB的Facebook：https://www.facebook.com/dolphin.bluesky/ 3個月大海豚BB驚人語錄： https://youtu.be/nG1sWg70xyo 關於海豚愛美生活日誌： 喜歡海豚的DolphinB，細個好鐘意畫公仔，上堂時會畫恐龍仔代表男朋友，至今已與"為食龍DC仔"由中學相戀，結婚，到現在誕下海豚寶寶。我以每人都「值得擁有」夢想的幸福生活態度而前進。喜歡分享生活、家品佈置、畫畫、扮靚心得～幼兒教育一級榮譽學士、做過：幼稚園老師、網絡平台編輯及公關，髮型用品代言人、現職全職媽媽及Freelance digital marketer。 DolphinB的email：cloudy_bluesky@yahoo.com.hk instagram：DOLPHINBLUESKY DolphinB Youtube You can also find me in: 【Blogspot】【WeShare】【Ztyle】【BE】【BeautyLife】 【Baby Kingdom】【MamiBuy】【ELLE】【She.com】 【EsdLife】【cosmopolitan】【Ulifestyle】【presslogic  Mami】 一起交流新手爸媽的湊B樂吧！ DolphinB的Facebook：https://www.facebook.com/dolphin.bluesky/