其實由Matt爺出世開始，我已經諗緊呢個問題，讀唔讀其實都係在於小朋友既性格。   而家香港社會對小朋友同家長黎講都好大壓力，閒閒地N班一個月$4K-$5K，小朋友1歲就話要返playgroup，兩歲就話要返學。利申：我不是怪獸家長，只係想俾Matt爺做佢開心既野，同埋我地係工人姐姐照顧，綜合其他人既意見好似返N班會好DD。   話咁快黎到8月，好多N班學校開始收報名表，對於Matt媽相對壓力大左少少，因為本身同我自己講，如果Matt爺返playgroup唔ok，咁我就一定俾佢讀N班。但事實係佢返playgroup都好開心，但由於我地住村屋，我又唔放心姐姐平日湊佢返學。鑑於以上既原因，都係讀N班啦   我地住個區相對既選擇比較少，讀私校定讀資助呢? 又係一個兩難既局面，我想揀一間Happy School俾Matt爺，但起碼$6K一個月，返半日。睇黎Matt媽要再勒緊褲頭，更加節衣縮食啦