我同好多媽媽一樣由懷孕開始已經決定餵哺母乳。仲記得生大仔小周董嘅時侯，因為好想堅持餵哺母乳，結果越想就大壓力，越係做唔到，所以第一胎我嘅母乳路只係維持左3個月就宣告失敗。4年後到第二胎細佬出世.....我自己可能無咁執著，既然第一胎餵母乳都失敗，到第二胎喺完全無壓力，覺得「餵到就餵，餵唔到就算」嘅心態下，反而做左富媽媽，從來無唸過自己D奶可以迫爆個雪櫃...哈哈 ^^ 當然我同好多媽媽一樣，唔係一開始就咁順利。頭1個月我都係好少奶，兩邊夾埋先得2安士。但今胎請左陪月姨姨，佢提醒我一定要每3小時泵一次奶，有無奶都要照泵...結果第2個月開始上奶，仲越來越多添。  雖然我算係富媽媽，但其實心底都仲有好多餵哺母乳嘅迷思。我好開心早前參加左一個關於餵哺母乳嘅活動，同專家嬰幼兒心理學家何善韻博士（Bianca Ho）仲有成班媽媽一齊分享餵哺母乳嘅問題同經驗。 其實餵哺母乳對於媽媽嚟講真係一種無形壓力，BB健唔健康同全面成長完全關你D奶事。就好似我咁，細佬屬於中細碼BB，我媽每次見親BB都會問我係咪D奶唔夠營養，點解咁瘦? BB有濕疹，塊面有時會抓到紅左，佢又會問: 你係咪亂食野攪到BB敏感? 雖然佢無心，但真係令我無明火起。不過專家就建議我地最緊要放輕鬆心情，對於呢D假設性問題全部當聽唔到就算，因為我地自己知道，母乳比到BB全面同所需嘅營養。 活動上，專家同好多媽媽都分享左好多唔同經驗，真係好欣賞今次活動嘅概念，比我有一個好好嘅機會同其他媽媽分享，可以講出自己嘅嘅憂慮同煩腦。 一邊食茶點一邊傾計，時間真係過得好快，完全唔覺得傾左2個鐘。 雖然我今胎係富媽媽，但第一胎我都做過滴滴皆辛苦嘅人奶媽，所以兩種情況我都經歷過，特別多野同大家分享。其實以平常心面對奶量好重要，因為真係越係緊張，身體就係越難做奶，只要夠勤力每3小時親餵一次或泵一次，唔多唔少都一定會有奶嘅。 開開心心面對餵哺母乳嘅困難，個人心情開朗D奶量都會多D架。 而爸爸們就要多D支持人奶媽，不論親餵定泵奶都需要好多時間，所以爸爸們盡量幫忙做下其他事，例如掃風、洗奶樽等等，令到媽媽可以爭取多D時間休息，奶量先會慢慢加上去。 我亦成日飲好多不同湯水，身體有足夠水份，做奶都容易D。 對於我呢D在職媽媽，好難埋身餵奶，要餵哺母乳就一定要揀啱產品，咁先可以輕鬆D，我揀呢D產品主要考慮佢係咪真係夠舒適、相容性高唔高、係咪真係FIT我個人需要。例如揀一個適合嘅奶樽比BB，我都試左2-3個款先揀啱，同埋好似我呢D富媽媽要儲奶，就要揀啱容量嘅儲奶袋或者母乳儲存杯。 而最最最緊要，一定係要揀一個真正適合自己嘅泵奶器。由於我每日泵奶幾次，所以泵奶器對於人奶媽真係非常重要，我覺得雙泵嘅電動吸乳器就可以更加節省時間。所以揀啱產品係可以幫到我地嘅人奶路行得更容易。 好開心今次同呢幾位靚媽媽一齊分享餵哺母乳嘅心得，快樂嘅時間過得特別快，非常期待下次有機會再同大家一齊傾下其他湊仔經。 總之媽媽們記得KEEP住心情好、休息夠加均衡飲食，母乳之路一定可以輕鬆地行落去。別人說三道四，聽完就算，只係媽媽先明白餵哺母乳係媽媽送比BB最好嘅禮品，每次見到你食完奶呢個開心滿足樣，我知道我會努力支持落去，繼續比最好嘅野你 ^^ 一班母乳媽媽傾計真係講唔停口! 你地都Click入去睇下啦! #媽媽坐埋一齊傾下計 #媽媽經 #只有媽媽有共鳴 #心情開朗奶量自然多  #Morecomfortmoremilk #媽媽餵奶爸爸都要識做 #餵奶都要講心情 www.facebook.com/1437ritaandhim 歡迎大家給予意見，如有任何邀稿、活動或產品體驗，請電郵聯絡: ppqq1437@yahoo.com.hk，我的其他13個BLOG分享包括: Instagram, Blogspot, BeautyExchange, Oh爸媽、24partent專家博客, Weshare, she.com, theZtyle, ELLE.com, style-tips,  U Blog, iTrial, Esdlife靚太club, QOOZA, Mybb.com,  ClassesWePlay星級blogger, Mamibuy駐站部落客, OpenRice(級別5)