做咗全職媽媽大半年喇, 差唔多每日都揹住米豬去買餸, 唔係買餸就行街, 米豬由我接手時18磅, 到而家24磅, 都唔小野ga...... 所以呢, 媽媽我送埋條腰比佢囉...... 其實陀到16週開始我已經有腰背痛問題, 好多時都係忍住就算, 痴吓殺龍巴C咁, 但生完米豬皮膚易咗敏感呀... 連巴斯都好耐冇貼喇....... 所以最近同米豬去街, 我都係推車多, 不過推車有幾唔方便, 為人父母ge你, 應該比我更清楚 ˓˓(ᑊᘩᑊ⁎)   長揹又唔得, 推車又唔方便, 但個仔又要放電喎, 所以諗諗吓, 索性買條輕便d ge揹帶, 放响手袋, 平時就咁拖住米豬行街算, 抱都係抱一陣就肯落地, 揹帶其實都係for佢搭車訓覺用   初時有諗過用返NB時0個條babasling ga, 但唔掂wo!! 得一邊受力, 條腰咪又死晒~! 所以又要搵其他啦, 因為我諗米豬都唔揹得幾耐ga na, hipseat帶出街又丫咋, 唔用0個陣你話收去邊吖~~ 所以要搵條平靚正ge輕便揹帶, 我又去咗淘寶了⌒°(❛ᴗ❛)°⌒ (本身係有諗過樂天訂ge, 但係都4千幾yen, 仲要預計最多用到半年, 所以我又死返落淘寶囉~~)   係有小小似傳統揹帶0個d ga~~ 交叉背帶, 前面袋住個bb~ 有埋教學圖一齊送到屋企~ 佢聲稱係未坐穩都可以用, 只係揹上身個方法唔同, 識坐ge, 就著咗個揹帶上身再袋個BB入去, 未識坐ge, 就放平揹帶, 放個BB上去, 媽媽自己捐入條揹帶度就返啱d位 教埋你點摺~ 摺好之後就係咁大喇~ 呢d相都係咁啱有朋友問我, 我影嚟send比佢睇ga咋~ 平時邊有心機~ 仲磅埋重tim~~ 真心講, 係輕便ge~~ 但實際使用又係點呢?   呢次係第一次揹出街用, 點解米豬冇著鞋ge? 因為佢訓訓吓晏覺比我抱咗佢入揹帶, 帶佢返婆婆度囉XDD 我有袋埋對鞋仔响手袋ga~ 第一次揹, 都OK啦~~ 但係覺得條背帶有d低, 如果米豬扭計, 佢一反我又冇攬住就怕佢反咗出來, 下次再揹要注意吓~   另一次, 就係同朋友食完lunch, 搭車返娘家時, 米豬响車訓咗, 我拿拿臨笠返住佢~ 因為都响屋企實習過幾次點用, 所以可以响冇整醒米豬ge情況下放到佢入去訓~~ 呢次係用條揹帶包住咗佢個人先, 我再攝自己個身入去   又揹住出街, 就係因為佢訓住比我抱走~ XD 今次揹得好d na~~~    呢條揹帶真係勝在輕身, 易收納, 摺埋放手袋唔會太丫位, 用0個時都幾方便, 响屋企練多幾次就得了~ 但我覺得佢有2個缺點 第1就係揹咗上身之後, 小朋友對豬髀丫闊咗, 唔建議長期使用, 好似我咁只係間唔中搭車/出街夾訓咗ge米豬落樓, 揹30幾40分鐘, 我覺得ok ge, 事關1-2星期一次, 時間短同埋唔係長期用唔會好大影響, 如果坐响度揹ge話, 其實BB下身係完全冇比佢勒住的, 因為佢個patpat坐咗响媽媽大比上面, 對腳仔係鬆弛狀態~~  第2個缺點就係, 兜住patpat 0個條布會勒到大比好緊呀~~~ 如果揹住行, 我都成日會用手托一托米豬, 怕佢大比cool得太緊, 但佢又好似冇咩野咁wo....    結論: 間中幫輕吓對手幾個字就ok, 如果長期當正規揹帶咁用, 我就唔建議嚕~ 用嚟搭車訓咗揹住佢cool埋身, 以防有意外時對手抱佢唔實, 就幾可取喇~   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/