之前一直介紹九龍及新界嘅暑假活動或好去處，今次終於輪到港島區啦！聽日Planet J Kids 有個夏日親子運動會活動 呀！運動會分為5個項目，每個項目都必須由 家長同小朋友一齊合作完成，看似簡單嘅項目，但絕對考驗大家嘅 拍度同體力！我地兩個玩完5項運動後都付出咗唔小汗水！一個價錢除咗玩埋運動會外，之後仲可以全日任玩添啊。而每個參賽家庭均會有1)PASSPORT　及　2)選手包一份（選手包內有：Planet J Cap帽、Planet J角色公仔、毛巾及水印紋身貼紙）。           運動會分為5個項目： 1) 動物騎術賽 (親子分工合作) 2) 攀岩大賽 (親子互相扶持) 3) 親子田徑賽 (親子同步並進) 4) 親子投球賽 (親子同心協力) 5) 尋寶「砌」高賽 (親子探索發展)     1) 動物騎術賽　 (親子分工合作) 要小朋友騎住動物水泡到指定地點去拎拼圖，然後返去起點將拼圖交比父母或自己拼湊成指定圖案。              2) 攀岩大賽 　(親子互相扶持) 小朋友需要爬上攀石牆，再登頂按燈，並需要在限時內按著所有燈號先叫任務完成！哈哈，絕對考驗體力同身體協調嘅項目！     3) 親子田徑賽　 (親子同步並進) 先進入大滾筒來回一圈，再以二人三足方式係Air track上來回一次！絕對考默契及合作性嘅一項親子活動！           4) 親子投球賽　 (親子同心協力) 只要於指定時間內，親子同心協力一齊將波波扔向屏幕取得指定分數就可以了，玩法非常簡單呀！真係過關話咁易！       5) 尋寶「砌」高賽　 (親子探索發展) 呢個需要小朋友獨自去搵軟積木，再帶返去指定地點交比父母或一齊疊高到指定高度。其實呢個項目，好考小朋友獨立性、探索力及學習同父母分工合作。                    友善提示： 1. 如完成曬所有項目，小朋友更可贏得證書及獎牌作為紀念。 2. 完成運動會後，更可全日自由任玩。                                 總結：如果一個價錢，既可以全日任玩，又可以一同親子運動一下，個人覺得都幾抵玩。雖然Planet J Kids特別適合嬰兒及學前幼童，但地點超方便，暑假唔想熱住去放電，真心不錯！！！        之前都有分享過Planet J Kids ，詳情可按：http://bit.ly/2s7dkGO       **********************************   「Planet J Kids夏日親子運動會」   活動地點：Planet J Kids (銅鑼灣皇室堡13樓) 活動日期：2018年8月11日 (週六)  活動時間：上午10:00 – 中午12:30 (運動會完結後，參加者可繼續任玩日常項目) 報名費用：$250/組 (包1名小童 + 1名成人，費用已包括基本入場費)；如有額外成人，每位收費$100) 參加年齡：3 – 8歲   報名方法： Planet J Kids Facebook專頁進行網上報名(https://tinyurl.com/yd5x44xp) 或 親臨Planet J Kids報名     **********************************         （以上資料更新至撰文當日）     聯絡電郵： alfredbb325@gmail.com 最近開始玩IG，歡迎追縱：allaboutalfred 最近開始玩YouTube，歡迎追縱： allaboutalfred     追踪更多育兒生活分享，請按 Alfred 成長日記        駐站BLOGGER: