不經不覺已經餵左4個半月嘅母乳，仲好記得小恩恩岩岩出世個陣，成日都好擔心奶量唔夠，bb唔夠飽，加上有黃好多人都話餵人奶退黃好慢，食奶粉會好啲。但因為我始終都想俾佢食到初乳，所以繼續堅持，啜啜下就開始多奶，啲黃都好快退晒！  （係岩岩生完第二日嘅初乳啊！） 去到後期，不論出街定返工泵奶，都會好擔心其他人唔知點睇自己，出街又有人用啲唔咩知眼光望住自己，返工泵奶又怕影響工作效率。 有次去左Philips AVENT嘅母乳媽媽聚會，話題主要都係關於母乳餵哺與心理健康關係。同左好多唔同經歷嘅媽媽交流，大家都分享左餵母乳嘅點滴同辛酸，媽媽們真係傾左好多心底話，互相支持鼓勵，令我都覺得餵母乳呢條路多左好多Supportersssss!! 係聚會當中真係明白到餵人奶真係唔可以太緊張/唔開心，要用多啲平常心面對奶量，因為心情唔好真係會好好好影響！Keep住每日都做多啲令自己開心嘅事，例如我會聽下歌，做下運動relax下。 當中有媽媽分享因爲老爺奶奶嘅唔理解，令到自己好唔開心。其實老公嘅支持真係好重要！多啲同老公溝通，叫老公代你出聲，捍衛返我地咁辛苦堅持嘅野！同時，我地都要有返啲”ME TIME”，唔好因為照顧bb而缺乏左自己嘅私人時間。咁樣做都可以令心情舒服啲，餵奶都餵得開心啲！ 自己一直都好想有呢啲聚會可以搵到明白自己嘅人傾訴一下，所以真係好欣賞Philips AVENT對母乳媽媽嘅細心。 今次仲邀請左一位專家同我地一班媽媽分享下，點樣係餵母乳呢條路可以令心境輕鬆啲！令一班媽媽放低自己嘅憂慮。 最後，都想同大家分享一下餵母乳嘅小貼士！ 1. 如果抱住餵奶，一定要準備返個枕頭墊住隻手，長期抱住好易會有媽媽手架 2. 多埋身，BB啜多啲奶量都會多啲架！ 3. 用一個岩自己嘅奶泵。要考慮返坐嘅姿勢、舒適度，會唔會泵到太痛 (有啲牌子嘅喇叭係有軟墊，令泵嘅過程可以舒服啲) 4. 可以用一啲母乳儲存杯，既環保，又可以直接用轉換器換返做奶咀直接餵。慳返倒黎倒去嘅時間～ 最後，希望大家係餵人奶嘅路上都唔好太緊張，相信自己，相信大自然嘅構造，我地一定可以俾到最好嘅bb！餵得幾多得幾多，唔開心記得要搵明白你嘅朋友、老公傾訴！母乳之路無想像中咁難行架！ 同埋Save低呢張圖俾爸爸睇！！XD #媽媽坐埋一齊傾下計 #媽媽經 #只有媽媽有共鳴 #心情開朗奶量自然多 #爸爸唔好再做豬隊友 #媽媽餵奶爸爸都要識做 #斟杯水比老婆飲 你都可以去我Facebook睇下當日嘅video，入面都關於母乳餵哺嘅小Tips架！ Like我地Facebook同IG會更快知道我同小恩恩既Update架！ Facebook：https://www.facebook.com/90sMummy/ Instagram: https://www.instagram.com/minarainlo/