8月8號 我既母乳里程碑黎到第一站，半年啦！ 做咩都3分鐘熱度既我... 竟然可以堅持全母乳餵哺♡ 好想紀錄一下我既歷程... 因為初頭餵人奶既日子...真係好辛苦... 好驚過左一年會忘記左呢種甜蜜既負擔... 魚B一出世,產房姑娘已經比我地肌膚接觸... 雖然未識得吸啜技巧..但已經覺得好神奇.. 到左產後病房,我都唔敢怠慢...傷口好痛.. 只要見bb埋到黎我都會練習埋身餵奶.. 魚B 足月出世,不過就係加細碼BB..比較輕.. 所以產後我都有壓力.. 希望可以餵到人奶比佢..比最好既BB.. 產後第一日,上午早餐後就開始餵BB... 初頭攪左好耐都唔成功啜到.. 姑娘都會成日入黎睇下bb啜成點.. 一路會塞你個胸去bb個口(點解要咁大力… ) 姑娘一行開我就自己慢慢試.. 不過總係覺得啜唔到咁.. 第1日全日就係不停餵奶.. 同埋飲魚爸煲既黑豆水.. 因為飲多d水先會有奶.. 同埋黑豆會幫助上奶.. 經過左第1日晚練習.. 第2日bb明顯開始摸索到點食奶.. 0係夜晚個轉...仲啜得好大力.. 差不多20分鐘..個下個心好激動... 見到佢食到奶..係產後最好既安慰♡ 就係個晚有個姑娘好好咁幫我手擠奶.. 希望可以比多d BB食.. 一路擠一路傾計..忍唔住係咁喊.. 可能產後賀爾蒙影響.. 覺得好無助..好唔識照顧bb... 但當見到姑娘擠奶有成30ml.. 心情又變番好..所有情緒都比bb帶動住.. 可惜第2日朝早...我個胸谷奶谷到變石頭.. Bb啜得又唔係咁好.. 魚爸就拎凍袋比我敷下..我就努力埋身.. 到下午姑娘話可以比我用泵.. 因為已經谷到咁..再唔出d奶就會乳腺炎.. 東區醫院係用medela.. 好大部..姑娘教我用完我就自己試.. 泵左30分鐘，兩邊加埋有30ml... 不過我相信浪費左好多初乳... 因為一路泵，另一邊流左好多.. 當時我又唔識點樣stop..白白浪費左d初乳呀.. 個日之後我就好努力，每次抱bb埋完身.. 佢一瞓覺..我就會飲杯水.. 抖15分鐘..推埋bb去泵奶房泵奶... 目標好清晰要餵奶...完全唔想休息咁.. 經過呢5日既努力...魚B夠磅可以出院.. 我的黃金初乳:) 好彩之前有SEND比魚爸報告先有相睇番XDXD 點解順產會住5日呢? 其實係我太固執... bb初頭唔夠奶屙橙尿都唔補奶粉.. 直到第3日跌磅..超過11%... bb唔可以出院...所以到第5日升番磅先走得... 番去坐月既日子... 基本上都係餵奶..接住泵奶.. 初期要個乳房咁勞動..真係好漲痛.. 係成個乳房都keep住24小時運作.. 呢半年中途試過休息唔夠，抵抗力弱左... 乳頭出現念珠菌... 個一刻我無諗過唔餵... 但有怪自己唔爭氣...要BB都要搽藥水... 到第4個月乳腺炎... 雖然好痛又發燒... 但我竟然接受到個種痛... 覺得還可以...只係擔心bb啜唔到奶... 又因為過份追奶...追到自己抑鬱.. 成日覺得唔夠奶...好內疚... 但其實BB已經食唔落... 餐餐我都裝起90ml出黎... 導致冰格都無晒位...???? 半年過去啦... 我個冰格存有大概80包奶... 但魚B已經加固... 呢d奶應該只係沖涼先用得著... 諗諗下 .. 我計左條數... 魚B出世到六個月大.. 180日... 平均一日六餐奶... 一餐120ml.... 6餐x 120ml x180日=129600ml........ 原來不經不覺我輸出左咁多奶.... 真心覺得自己做左人媽媽... 無野係唔得....為母則強.. 生左個女之後...以前既我真係死左架啦...XD 上圖出世第10日, 下圖 180日 睇住魚B健康,就覺得幾辛苦都值得 :) 黎緊目標係希望餵母乳比魚B到一歲... 雖然健康院姑娘都提及母乳營養未必夠 比BB...但抗體一定係母乳先可以比到... 我會繼續努力♡   聯絡我或產品試用:RUBY.1125@HOTMAIL.COM facebook page : @haileybabywhy (hey魚b之日常)