碗仔翅被稱為平民魚翅，鍾意佢嘅人係因為佢口感順滑，啖啖都有材料，感覺特別滿足。但係呢款街頭小食越賣越貴，有時候仲會遇到偷工減料嘅碗仔翅！ 其實材料十分簡單，有咗食譜之後，只需要花啲時間預備材料，隨時都可以喺屋企快手整到呢款街頭小食。     材料： 雞湯/上湯  500ml 水  500ml 去皮雞肉/雞胸肉  約120克(撕絲後約1碗) 乾冬菇  4-6隻(切絲後約半碗) 乾木耳  約80克(切絲後大約半碗) 乾粉絲  約80克(1個) 老抽  2茶匙 生粉 3茶匙/栗粉 6茶匙 雞蛋  1隻   步驟： 1. 除咗雞肉同粉絲之外，將其他材料浸軟後切絲 2. 將雞湯倒入美的早餐機多功能鍋，將原件雞肉用大火煮5分鐘至熟透 3. 放涼之後撕成幼絲，備用 4. 將雞絲放返落雞湯，再按大火翻熱雞湯 5. 見到雞湯開始煮滾就放埋冬菇絲、木耳絲、粉絲、老抽同水，以中火煮滾 6. 加入芡汁拌勻，煮滾之後加埋蛋花就完成   小貼士： －碗仔翅最花功夫其實都係撕肉絲部分，真心可以喺屋企輕易整到，唔使食咁多味精 －豬肉可以切定肉絲，雞肉就一定要撕絲，因為雞肉嘅肌肉纖維較細，切定雞絲一煮就會碎晒 －平時喺街食開多數用瘦肉絲，其實除咗雞絲，仲可以放鯪魚麵（可skip步驟1同2） －仲可以用煲過湯的瘦肉、雞肉（湯渣食唔晒都仲有用！） －（健康版）可以煲定昆布鰹魚上湯（多昆布），代替雞湯 更多關於美的早餐機 MZ-DSY18A（$499） 銷售點：全線日本城獨家發售 產品資料：https://goo.gl/Umbpfd  產品查詢：3669 4888 是次小分享完畢，有興趣可按 麵語錄食玩遊記 by Aminn 或 C家重地 其他分享 :)   Aminn | Beauty．Food．Fun．Travel．Trendy｜    麵語錄食玩遊記 by Aminn (Lifestyle) www.facebook.com/m.for.aminn / www.instagram.com/starzaminn    C家重地 (Parenting) www.facebook.com/sy.lam.family     任何合作請接洽：aminn613@gmail.com