《認字？》 膽粗粗同朋友夾買情況下落單，買左呢套有趣的文字，之後封鎖在櫃內5個月，重見天日係暑假開始，因為真係無咩好做 呢套野如果想見到即時成效，我係推介架，因為好神奇地講幾次既字因為旁邊有圖畫有聯想，小朋友會好輕易記得，暫時見到個個用家都讚好 從日常對娜娜觀察，我相信娜娜係以圖像記憶既人，娜娜對聲音和觀察是比較敏感。 雖然象形圖畫並非正統的，但神奇既效果我唸會令好多家長鍾意，所以推介喜歡早教小朋友既家長 個人係學術上面比較懶，我係從來無灌輸任何認字概念，造成今日 “文盲”的娜娜，認字方面比同齡較差， 因為娜娜學校偏重英文，所以才開始呢套有趣的文字學習中文，難得唔係死板學習，貌似遊戲玩配對圖畫輕鬆認字，感覺良好 某程度我係buy外國教學方式，我相信太早認字會妨礙小朋友主動學習興趣，但無奈身在香港教育，不會在國際學校讀書情況下，又開始左呢套野，不過我暫時係懶媽，掛係度貌似裝飾品，完全係路過先望兩眼個隻，隨緣mode 你們呢？有無人同意或者其他想法？ 不妨分享 推介給喜歡早教既爸爸媽媽 推介給想用有趣的方法認識中文既爸爸媽媽 推介給小朋友喜歡以圖像記憶   更多育兒分享可到：https://www.facebook.com/2215243141826850/posts/2344329325584897/ #有趣的文字 #劍聲出版社 #學習中文 #認識中文 #親子活動