我個仔6個月開始加固 天使媽買左純米糊去溝羊奶粉（因為呀仔牛奶蛋白敏感）。另外，慢慢比呀仔試生果（逐少試睇下有冇過敏反應）木瓜，香蕉，蘋果，提子都係好嘅選擇，最開心係見到呀仔食橙個樣，好搞笑，酸酸地但又要食⋯ 我一般比呀仔食米糊前都會開少少溫水比佢飲，點解？學黎明金句：「唔好空肚食早餐」食完都會飲溫水，而且每日都會用純水濕紙巾，幫呀仔清潔口腔（雖然佢仲未出牙）但口腔清潔都好重要架。 健康院醫生話我個仔係XXS BB嘅世界，按比例地穩步上升，所以我都冇特別擔心，因為加固後我都明顯見到呀仔感覺上同視覺都肥左，實際上咧？肥左3磅，慢慢黎⋯希望仔仔健康快樂咁成長！   共勉之！