早排電視套劇集，相信大家都好有共鳴。當然，身為Matt媽都係唔少媽媽谷既成員之一，有D只係為左想得到育兒資訊，但記得記得一定要較靜音，因為可以一日唔睇會有過千個Message。 而有一D會用心經營，因為出黎聚會既機會比較多，同埋會比較傾得埋，當然呢D都會係可以交心既，有D咩唔如意都會即刻係度發洩，有時未必要得到解決既方法，但起碼總會搵到一D共鳴。 Matt媽是一個在職媽媽，住係超僻既郊外但係市區返工，所以每日都要抽住一袋二袋返公司再由公司拎返屋企。每日都要為工作而忙碌，返到屋企又要照顧Matt爺，每日不停重覆又重覆，其實真係好攰。 但有時為了滿足長輩既要求，放工又要仆返屋企，再仆出去食飯，之後先可以返屋企，又要攪掂Matt爺休息，自己先可以去沖涼休息。 以上既種種，我都知道無可能要每一位長輩都明白你究竟有幾辛勞，但可唔可以唔好係我地身上再有太多額外既要求而加重我地既負擔? 如果一唔follow，又發脾氣又黑面又勁多難聽既說話。做了媽媽後，我當然明白作為媽媽既辛酸，但如果成日停留係以前既日子，以前既經歷，咁你永遠唔會走出傷痛。 過去既經歷係一種回憶，從而可以提醒我地點樣可以比從前過得更好，而唔係你不停loop以前以前同以前，咁樣你只會為難身邊既人，你究竟明唔明白?? 我只想簡簡單單地同Matt爸&Matt爺生活，你究竟明唔明白??