沙律媽媽又一大段時間無 update 個 blog 啦，因為實在太忙！ 忙住公司野，沙律媽媽代購，沙律媽媽報N班等等，一日24小時都唔夠用！ 星期一至五番工，日日都收3:30番去湊沙律B去街放電！ 星期六去 playgroup，星期日全日自己照顧 [因為姐姐放假]！   講到去街，沙律媽媽次次都會拎好多野出去，以下就係沙律媽媽嘅 bring list！ 究竟一個16個月嘅BB去街時需要拎咩呢？ 以下物品只係 for 出一個下晝街，唔包食 lunch 同 3點幾果餐奶！ 無錯，99%都係沙律B 啲野，沙律媽媽只有潤唇膏，hand cream，鎖匙，銀包，8達通！ 沙律B呢堆野究竟係咩嚟架呢？   [左上角] 拉拉褲2條 + 衫仔一套 + 紗巾2條 +口水肩/防水口水肩1-2條 當沙律B識企，沙律媽媽同沙律B去街時已轉用拉拉褲，因為隔尿墊都唔使拎！ 同埋，每次去親街都有機會整污糟衫褲，或者唔知點解會漏尿，所以，spare 衫仔一定要有套！ 口水肩就係 for 食野時用，因為可以避免整污糟件衫。 而紗巾就係 for 不時之需，例如夏天當汗巾用 [忘了戴汗巾情況下]！   [左下角] 外套仔1件 + 垃圾袋1卷 + Babyganics 泡泡清潔液1枝 + 奶咀連盒1個 夏天商場凍到一個點，沙律B去親邊度都會準備一件外套仔，非常有用，防止攝親！ 同沙律B去親街，都會餵飽自己先，次次一坐底喺餐廳，沙律媽媽就會拎定一個垃圾袋[藍色果卷]。 呢啲portable垃圾袋係沙律媽媽喺日本網買的，好好用，可以鉤喺手袋，慳位又唔會整到污糟邋遢！ 每次放沙律B上 high chair，都一定會清潔左張 high chair 同台面先，無意中會製造好多垃圾。 如果唔用自備垃圾袋，直接放喺餐台等人收，我有少少過唔到自己果關。 除左用過嘅涼紙巾，仲有食物好多食物嘅包裝等等，真係好多垃圾會產生出嚟。 每次拎垃圾出嚟果陣，都會同沙律B講要將垃圾放入去，希望從中可以教到佢野！ 除左清潔 high chair 同台面，手仔都要經常性清潔，沙律媽媽選用 Babyganics 泡泡清潔液。 沙律B次次去 Playgroup，一入門就要泡泡清潔一下，己習慣左，所以沙律媽媽都用Babyganics！ 宜家每次噴喺沙律B手仔，佢都會自動波搓手仔，次次搓完，就搵濕巾抹多次，就可以用手拎野食！   每次去剩，沙律B都有機會瞓覺，所以奶咀都係必需品。 沙律B用 Philips Avent 香草奶咀的，之前沙律媽媽都有介紹過，真心好用。 Nuby 奶咀盒都超方便，又可以左鉤右鉤，但沙律媽媽已訂唔到貨！   [右上角] OXO TOT 紙巾盒1個 + Richell 固定帶 + Summer Infant餐墊 +水樽 + 零食 沙律媽媽自己代購左個OXO TOT紙巾盒，超好用，仲可以鉤係車仔同手袋！ 每次去街，沙律媽媽會 fill 定一盒，around 40張 Huggies 濕巾，去一個下晝都無問題。 但如果去全日街，建議拎一整包濕巾出去先夠用！   另外，Richell 固定帶基本上去到邊都會拎埋，因為實在太好用，又太方面，加上又慳位。 宜家沙律B 已經大個女，去邊都有自己嘅 high chair，但好多餐廳嘅 high chair 都唔係咁安全。 例如酒樓嘅 high chair，有時真係連安全帶都無架，都係自己加番條私家安全帶好啲。 下圖 high chair 就係最 typical 嘅 high chair，一啲都唔安全！ 但呢個款 Richell 已停產，出左做 Snoopy 款取代，但 function 完全一樣！ 除左 Richell 係 must-have-item，餐墊都係，因為次次出去都要準備零食俾沙律B。 我無理由幾沙律B啲零食就甘放上台面，因為太污糟，一定要搵餐墊墊住！ 沙律媽媽用緊 Summer Infant Silicone Mat，可以重覆使用，都好方便，又大張。 但亦都有唔好嘅地方，因為餐墊只可以啜到平滑嘅台面，有少少紋都啜唔實！仲會捲起！ 所以沙律媽媽又搵左美國另一個牌子叫 Neat Solutions，應該會好少少！ **photo copied from SPOT of TEADESIGN   最後，水樽同零食真係超級超級重要，再加上沙律B係便秘B，水份一定要好足先得！ 沙律媽媽之前都介紹左一篇關於便秘嘅文，大家不防睇睇 >>> link！ 而零食方面，當沙律B大到一歲，好多零食都食到，沙律媽媽會random拎出去俾沙律B食！ [右下角] 沙律媽媽 column 沙律媽媽個袋只有銀包，8達通，潤唇膏，hand cream，鎖匙，完！一目了然！   當所有野放入手袋後，其實仲有好多位剩！ 沙律媽媽將拉拉褲，口水肩，紗巾，衫你放入一個防水袋，好又整齊！ 是淘寶的，又平又實用，至緊要防水，沙律媽媽淘左個sizes，有時用嚟裝污糟衫！   以上 bring list 係沙律媽媽個人 preference，各位媽媽要根據BB嘅需求而執拾媽媽袋！   嬰兒用品系列︰ 如何選購嬰兒用品の消耗品篇！ 如何選購嬰兒用品の奶樽奶咀與配件篇！ 好物&癈物分享︰ 精明買物媽媽系列の嬰兒好物大分享 II 精明買物媽媽系列の嬰兒癈物大分享 I 精明買物媽媽系列の平靚正收納妙法！ 精明買物媽媽系列の嬰兒好物大分享 I 旅行系列︰ 小腳板走天涯の10m台灣旅行應該帶啲咩！ 自家製系列︰ 自家製系列の給寶寶最好的護理—自製天然健康湯水！ 自家製系列の小兒天然止咳殺菌良方—燉紫洋蔥！ 自家製系列の打一歲針前應該煲咩儲涼湯水？！ 自家製系列の嬰兒都可以食嘅生日蛋糕—沙律B生日快樂！ 其他忙碌日常︰ 加固系列の嬰兒可以食咩零食？！ 健康系列の如何應付寶寶の便秘問題？！