工人姐姐放假，與其留係屋企困獸鬥，不如出走旅行。作出一個大膽嘅決定，一行八人，出巡日本。行李愈拾愈多，最後帶2個行李s、2個handcarries、2架bb車s同2個bbs。 挑戰亦愈來愈大，當中有好多情況係預計唔到嘅。出門到達機場個刻，覺得自己同爸爸點可以做到? 好彩機上輪流食完瞓，瞓完食。雖則單手抱，機程爸媽冇瞓，但俾其他姨姨叔叔讚乖唔扭計，抵錫。 日本係一個baby friendly嘅國家，周圍都係餵哺同育嬰空間，而食水同嬰兒食品都係衛生安全食用嘅，媽媽只係帶3支蒸餾水同少量嬰兒食品去。第三日已經用私家電熱水器煲水，其他食品就於當地採購。 每日晨早一支奶，然後，出發﹗ BB車簡直係超卓的發明。第一日行BB用品百貨戰利品太多，媽媽揹帶揹一個推一個，另外一架車放戰利品。所以，兩個BB，一揹帶兩架BB車啱啱好。唯一壞處係，有一部份東京的JR站係冇電梯，大人就需要抬車抱BB攞行裝，上上落落。   雖則兩隻小鬼已經有固定午睡同飲奶時間，旅程有時太吸引，佢地都會唔記得瞓同食，累先會瞓。媽媽要mark低食野、pooh時間。 相比起九州、和歌山同大阪，東京都係啱大人行。屋企人盡量配合去一啲公園、大型百貨公司搵空中花園俾大少s行下走下。   最開心係台場有100yen 10分鐘波波池同legoland可以滿足到小朋友放下電。legoland可以等佢地大啲，過95cm嘅時候再encore，到時候可以玩機動遊戲。 1歲生日係旅程中渡過，酒店reception哥哥姐姐送手作生日卡。 一行八人有唔同需要，希望滿足到大家生理同心理上嘅要求。 累，可是愈累愈難得，再累亦開心。下一站是....?   #新手媽媽歡迎俾意見 #交流嘅好處 fb.              哥哥細細 //小眼睛s看世界 ig.              cannyahn