而家小NEMO出左世6個月, 先有返DD時間寫下文章~ (其實都仲係每日不停好忙架~) 諗返起, 初初第一次2017年7月28日去睇婦科醫生真係好驚, 第一次照聽唔到心跳, 要勁飲水忍尿再照第2次先聽到BB心跳... 第一次係個MON度見小NEMO 又聽下佢既心跳聲, 真係好奇妙. 果種感動同埋感覺真係好難形容到...醫生話BB已經有8周...預產期2018年3月8日... 又解釋左政府同私家既不同測試, 又教我地去政府醫院排期... 醫生好好.. 知道有咩政府有得做就唔洗係佢度做.  攸豬爸睇完醫生去到食LUNCH餐廳先定到落黎.. 之後先表達到佢有幾開心, 幾興奮...我地突然有機會做到爸爸媽媽, 真係好開心, 好驚喜..攸豬爸話D 心跳聲咁似海底D 水聲諗起小NEMO, 所以BB咁就有左個乳名叫小NEMO. 果日又好忙咁又要去屯門醫院度排期... 去到先知原來屯門醫院係去健康院排左先去醫院BOOK OSCAR. 跟住就趕去健康院登記~ 之後唔夠時間唯有第日攸豬爸再去屯門醫院度排OSCAR TEST.  最初果4個月真係好驚... 第一次返返下工突然見紅. 嚇到唔知點算, 即刻打去睇下有無得睇婦科, 點知睇開既醫生放假, 睇左個唔係好夾到既醫生, 開左D安胎藥同比左一星期病假我訓床~ 之後情況都係時好時壞. 久唔久又見紅, 健康院同急症醫生都係叫我一見紅就要去急症. 因為佢地都怕會有事, 要照下有無事, 又留院觀察, 無事就回家休息. 頭呢4個月成日都HOME OFFICE. 攸豬爸好好呀~每日返工前整定早餐午餐下午茶比我, 等我可以係屋企好好休息又唔會餓親... 唔係淨係我一個人緊張, 攸豬爸都好緊張呀~ 私家產檢醫生話唔比追車, 唔比行得快, 運動更加唔洗諗呀....要一直都好小心咁陀BB~ 我地好驚咁渡過左4個月... 開始見到小小肚仔~