近期媽媽喜愛用鮮百合煲湯，益氣止咳 是日加埋另一喜愛嘅煲湯材料-印度椰子，來煲啖靚湯俾兩位老細 印度椰子: 清燥熱，滋陰潤肺 正正媽媽早兩日食左半包咸蛋黃魚皮，要清下熱氣 濃濃椰子香，味道清甜，小b飲完一碗再添一碗         材料: 1. 印度椰子 1個 2. 粟米 1條 3. 紅蘿蔔 1個 4. 肉 30蚊 5. 鮮百合 2個 6. 水 3L   做法: 1) 肉汆水，備用。 2) 印度椰子、紅蘿蔔及粟米洗淨切件，備用。 3) 鮮百合洗淨，備用。 4) 煲內注入水，除鮮百合外，將所有材料加入，大火滾10分鐘，轉慢火煲2小時，最後15分鐘加入鮮百合，之後加入適量鹽調味，飲得。   #簡單材料煲出清甜美味的湯品