星期六又遇上雨天 郊遊唔成功，轉戰室內放電！ 因為早上去了粉嶺與婆婆飲茶， 於是便順道去了一直想去的： 富善村美國冒險樂園，因為那個波波池好像很好玩！ 富善村美國冒險樂園 大埔富善村商場地下 大埔墟火車站乘K17巴士直達 超好玩彈跳迷宮 - 分一小時或兩小時收費，我覺得任玩兩個鐘呢個設置十分讚 因為可以慢慢玩，又可以控制人流，以小火子既瘋狂放電mode， 一般佢玩個半鐘就夠，大家要留意返每節時間啦。 這個冒險樂園是裝修了不久，所以感覺很新淨，而且一入去看到波波池真有種驚艷的感覺！ 因為除了有超多波，還有彈床及彩色繩網， 我看著也有點心花怒放，但也準備要累死了～ 波波池區域 -面積大及超多波的波波池 -有三條滑梯：普通滑梯；滾輪滑梯；水泡滑梯 彩色繩網陣 -之前一陣想去但未去到既親子餐廳就係有呢種繩網，好靚呀！估唔到呢度都有^^ -除左打卡靚之外，有唔同既洞洞比小朋友爬上爬落都好好玩呀。 彈彈床區域 -有兩個彈彈床玩樂區，一個圓形，一個方形，方形果邊仲有個海棉池，好正呀！ 仲有面積不少的砌積木區 -跑到無電，又可以靜靜地砌下積木，好貼心！ 當然整個彈跳迷宮由很多不同既競技項目穿梭， 爸媽們要跟著小朋友，請準備好身手！ 玩完迷宮，當然都會被冒險樂園本身既遊戲設施吸引：打保齡機；射藍球；擲彩虹等這裡都有，不過當然唔可以任玩啦⋯⋯ 選幾樣就好了～ 雖然室內遊樂場真係好好玩，但我唔建議成日帶小朋友去，近來遇著雨天是去得密了點，平常來說，我覺得最多一個月一次好了。 因爲我也同意室內遊樂場有時的選項太多姿多彩，容易令小朋友對簡單既玩失去興趣，不過偶爾一家人去瘋狂一下，當然是超好玩的體驗啦！ 大家不妨把這裡收入口袋名單，但好天的時候，當然是去與陽光玩遊戲吧！ 謝謝收看，如果喜歡貓町媽媽的文章或想觀看更多親子玩樂情報，歡迎到訪貓町媽媽的facebook專頁: <貓町媽媽 親子 玩樂 扮靚日誌> https://www.facebook.com/catdingmama/ 加我IG: catdingmama https://www.instagram.com/catdingmama/?hl=zh-tw 美國冒險樂園 Jumpin Gym U.S.A