點解眨吓眼個暑假又就嚟完㗎！( 唉，都要接受現實吧！)尤其是芊芊今年就小一，都要開始回神過來替她準備一下開學用品，我哋呢日就到愉景新城的開學用品展掃貨。       展覽就位於地下Pizza乞對面(近SHOOPEN)，呢度就好似個小型expo咁，地方小小但係咩都有，書包、皮鞋、文具等都齊全。     全部都係時下最新款的產品，好似呢個MoonRock護脊書包都係好受歡迎㗎！         真係好似一個特賣場，周圍人山人海，皆因好多產品都做了特價優惠，大家都特意來執平貨。   芊芊第一件吸引佢嘅，完全同開學用品無關，我要寫個「服」字俾你。       場內大部分開學用品全係做緊8折，甚至更多!     除咗開學用品及文具，仲有好多玩具同Board Game！     就算大大張書枱都有呀！新學年就俾小朋友坐得舒舒服服做功課啦！     嘩！小朋友至愛Thomas & Friends產品都低至七折呀！     呢隻噴水壼簡直係夏天必備，我哋一家都係靠佢先去到戶外活動，依家只做$49，抵過我以前買嗰陣。     好PRO的顏色筆﹐我自己都想買番盒。     呢部快譯通真心正，我哋都有用！       3M博視燈我都有，證明媽咪好識揀！     過咗成個暑假，會唔會冇發現小朋友對皮鞋波鞋已經唔啱著呀，如果就好快D過嚟買番對啦！     即場有靚姐姐試用產品畫畫俾小朋友。     除咗開學用品展外，商場內仲有其他商店，同樣有售各樣開學用品。     「ERGOBOSS」專售賣Beckmann護脊書包及兒童傢具。     佢哋一入到嚟對眼即刻發哂光，尤其係哥哥一見到就不停話要買(但係佢屋企書包多到可以做包山囉)       呢款書包仲話係挪威皇室御用！真係好駕勢。       呢個書包唔單止有得用仲有得玩。       知唔知咩叫做「得一想二」，看下圖。     仲有其他皮製傢私，超萌起可愛。       之後再到另一間店「BRUNO」，呢度有好多美美的精品，讓小朋友開學做個小文青。     依家好多小學生都係全日制，除咗午餐亦要帶些小茶點番學小息食，這個小食物盒，真係靚到媽咪都心郁郁。     看上去以為好有重量，原來一拎上手，輕都不得了。             最後仲發現一家新店開張「千葉願」。     未入去已經俾門口一大堆公仔同埋超可愛兒童木製傢具吸引。       所有木製傢具全部都係用榫卯設計，非常厲害。     當然都有唔少玩具，要過哂呢幾關先可以入去睇文具，哈哈~         每次見到「筆山」我都好開心，童年回憶番哂嚟，細個最鍾意喺度不停試筆，試到俾老闆鬧。         店最入面仲有個小空間可以俾小朋友玩一玩(其實就係木製傢具的展示區)。       小朋友可以喺度玩玩，大人可以舒舒服服揀文具。         嚟D‧PARK除咗買平嘢，仲可以到Candy Park捉住暑假尾巴，既然入哂貨，臨走前可以同小朋友睇番場戲。       因為由即日起至8月26日，逢星期五至日，精選10套「迪士尼•彼思」動畫在Candy Park重新上映，票價大小一律$60！仲可以開心價HK$330購買夏日動畫巡禮電影套票，一次過有6張戲飛及兩張爆谷券！       仲有兩個禮拜就開學啦！開學用品展去到9月9日，大家快D嚟幫小朋友準備文房四寶啦！       Photo by Sony A7III FE 28mm F/2   想跟我去體驗其他活動，快D報名親子團，同埋留意專頁公佈詳情啦！ http://goo.gl/forms/CNZMEPoMIWkouK8o2   呀劍評分: 10分   呀劍評語: 真係地方細細但有齊各式各樣開學必備用品，好似我咁怕煩嘅人就最啱，可以一次過就買齊哂番屋企。   D‧PARK愉景新城《開學用品展》 開放日期：8月17日至9月9日 開放時間：早上11時半至晚上8時半 地點：D‧PARK愉景新城L1, 1033號舖 *DP Club、Donut Kids Club、親子王國會員，於《開學用品展》消費滿$200或以上可享額外5% 折扣優惠（包括正價及特價產品） 展場限定優惠： 1. 凡即場購買KOKUYO兒童繪本系列滿$200，加$1即送Campus限定布袋。 (限量50個，換完即止。) 2. 凡即場購買任何產品滿$300，加$30換購精選4D Cityscape Time Puzzle –香港 / 中國一份。(價值:HKD$399)。(數量有限，換完即止。)   DIY工作坊篇： 親子自製獨一無二創意文具及家品，小朋友定會更珍惜、更喜愛！ 1. 塗鴉小櫈：利用已預先準備的紙箱材料，讓家長小朋友以拼合方式製作出小紙凳。制作小紙凳後，可以在凳上繪製自己喜歡的專屬圖案並以顏料上色。運用轉廢為物的方式創造出全新傢俱。 價錢：HK$190 日期： 1/9 (六) 時間：3-4:30pm; 5-6:30pm 地點：L2 Storytelling Zone   2.原木杯墊：運用熱熨技術，把自己喜愛的相片，經噴墨印刷後，轉印於樹木片之上。轉印過程須運用拼貼，修涮，熱熨的工藝技巧。創作出生活與自然結合的藝術用品。   價錢：HK$150 日期8/9 (六) 時間：3-4pm; 5-6pm 地點：L2 Storytelling Zone   親子煮食篇： 親子煮食一來可以培養母子感情，更可以讓小朋友了解媽媽平日為自己準備茶點及便當的辛勞。工作坊由日本便當及甜品達人主理，製作可愛的卡通造型便當及美味茶點，令小朋友用簡單食材，造出美味食物。   至「營」開學－ BRUNO親子便當工作坊： 費用 日期 時間 對象 地點 HK$250 2/9 (日) 3-4pm 一位大人及一位4 歲或以上的小朋友 L2 Storytelling Zone   至「營」開學－PANASONIC親子茶點工作坊： 費用 日期 時間 對象 地點 HK$250 26/8 (日) 3-4pm 一位大人及一位3-12 歲小朋友 L2 Storytelling Zone   *報名方法： 1) 網上:https://www.dpark.com.hk/en/mi/programs/panasonic   2) L1探索基地/ L2禮賓處   (以上資料更新至文章當日)     Facebook專頁: 呀劍萬帥 kimfamilytravel   Blog網誌 : www.kimfamilytravel.com