太耐無upload blog  因為搬屋...... 全間屋pack野都係一條友K.O. 仲要對付文一一 真係無時間無精力打blog   轉回正題～～～～ 有幾多位媽媽有join whatsapp/facebook 媽媽group? 或者問..... 媽媽們，你有幾多個有關育兒既whatsapp/facebook group? 包括：月份gp，同月同日gp，同醫院gp，同區gp，母乳gp，加固gp，BLW gp，嬰兒買賣gp，N班gp等等... 而文一媽我有13個類似既gp，不知不覺加左甘多 你地又可以數下自己有幾多個～～～   雖然mute哂，但都發現部電話好快無電....... 而家諗起，都唔知點解加甘多（哈哈）又無退gp   而有D爸爸們可能會覺得媽媽們已被洗腦，被同化左 因為咩都會話媽媽gp既媽媽話點點點 可能每日最少都會同老公講一次（哈哈） 只能說，有時候幾十個人既資訊流量一定勝過一個人盲目去搵 你send一個問題出黎 不消幾分鐘就有媽媽解答 真係既方便又快捷 特別母乳gp，加固gp，BB優惠share gp 有媽媽係第二胎第三胎，有經驗的 真的真的能夠幫助到新手媽媽們（姐係我） 做左媽媽後，一分一秒既時間都變得十分寶貴（認同請俾like) 真係慳得就慳，時間同金錢都要慳 最重要的是，有問題就算問爸爸們，都係唔識答（笑） 當然，還是有神隊友既存在（但文一媽沒有）   但是。。。 亦都有媽媽過分依賴媽媽谷 問題達人（就係咩事都會問一餐） 會變得太煩人同變到自己不懂自行解決問題   但基本上媽媽谷可以話係媽媽們既避難所 一個除了可以互相幫助之外 還能訴苦既地方，盡情宣泄情緒 懷孕所受的種種經歷，生仔十級痛，餵母乳辛酸，三姑六婆的閒言閒語等等 短時期內承受各方面既壓力 如果無輸出既地方 最後，就會慢慢變成抑鬱病 所以我深信，媽媽谷係非常有效地減低產前產後抑鬱的一個途徑 媽媽們就算安慰你又好，或者一齊鬧 當本人睇完聽完 無疑，不快既情緒已經宣泄左一部分出去 甚至破涕為笑   媽媽谷，是亦師亦友   今次點解想講尼個主題？ 其實尼篇都係感謝文黎 係因為文一媽終於同由我陀住文一一時入既媽媽谷們見面gathering share 當日相片先 超人卡通主題 文一一係Batman BB集體喊真係好恐怖 但尼個媽媽gp人不多，只有十幾個媽媽（最近都有新加入2位媽媽） 卻見證大家產前產後最重要既時刻  而我都係只會係尼個gp發表得最多 最少，大家都真係認得大家 而有D gp太多人，一miss左，你係永遠追唔返D post 因為係以幾百至千個計 （所以我都已經放棄左其他gp) 對我黎講太混亂，都唔知邊個打邊個 最重要係搭唔返線，都不從何入口（指覆返對話） 所以少少人數對我比較好   感謝你們陪我渡過困難時刻 而家講最熟，一定係你地 私隱私密既對話都講得出（哈哈） 希望我地既友誼會陪同孩子們一同成長同長久 愛你們唷！   希望文一一可以早訓返 甘文一媽就可以打blog打得密返d   Facebook Page係update得密d嫁～～～～ 希望大家都可以like and follow  ------------------------------------------------------------------------------------ ～～文一一的成長日記～～ Facebook Page： https://www.facebook.com/charlesmanmama/ Instagram： https://www.instagram.com/lai_hung_winnie/ 聯絡邀文或試用產品: laihwong9@yahoo.com.hk