我本身係一個在職媽媽，對於轉做全職媽媽呢個TOPIC, 其實都同老公傾過不下數十次~  點解成日都傾?! 無他既, 主要係因為 99 做唔到我既要求囉~ 其實我既要求好簡單, 只係要知道食過乜, 做過乜之嘛... 可惜永遠只會俾人覺得要求多多囉~ 搞到老公成日都夾係我同99中間, 真係辛苦佢喇.....   其次就係, 成日見佢去到99 度, 都係悶悶不樂, 一係就喊住分離.......睇見到心UP 呀......   嗚嗚嗚嗚..................... 爸爸唔好走.......... 呢張係尋日星期一影.....坐埋係角落度.......咀角向下......出左門口我都眼濕濕.....   咁點解唔肯辭職做全職媽媽!? 咪就係因為有班好同事, 日日可以準時收工囉~~ 最重要係都做左十年喇, 要我突然跟出呢個COMFORT ZONE係好難架...    不過..... 機會黎喇, 飛雲!!!!    早係6月個時已經知道公司會重整, 將D野搬上大陸~~ 跟住我MANAGER 就話我知, 我ON THE LIST 喇~~~其實有番咁上下年資既同事, 個個都等緊, 今次一次過黎一鑊大執, 個個都爽歪歪~~ 距離我做FTM仲有十日到, 有D擔心, 但有D 期待~~ 希望自己湊番囝囝, 可以教得好, 做得好啦~~ 我，要加油呀！   我家裕喬的PAGE, 在職媽媽盡量每日UPDATE喲~ https://www.facebook.com/JacoYK/