副食品
戒夜奶
拼圖
教養
產後瘦身
積木
親子共讀
親子餐廳
貼紙書
追奶

媽媽心聲 其實我介意

今日係西瓜妹出世27日 因為老公家人同老公本身係瘦底同細粒 而西瓜妹正正遺傳左依一點,明明24週照結構 仲話足月會有7磅以上,但到後期完全唔長胎 到西瓜妹出世 佢重2.86kg 6.3磅 係醫院角度睇

今日係西瓜妹出世27日 因為老公家人同老公本身係瘦底同細粒 而西瓜妹正正遺傳左依一點,明明24週照結構 仲話足月會有7磅以上,但到後期完全唔長胎 到西瓜妹出世 佢重2.86kg 6.3磅 係醫院角度睇其實重量合格,但係係家人朋友眼中 西瓜妹太細粒。。。   *唔好餵人奶 餵奶粉啦 係醫院生完西瓜妹 好努力不停飲水飲炒米茶 每餐食到有咁飽得咁飽 等自己快d上奶,係醫院頭3日 西瓜妹好叻啜唒d黃金初乳 第4日已經係白色奶奶,但因為細細粒既關係 d人一知我餵人奶 就叫我餵奶粉 比個女快d肥 其實聽到呢d說話 對人奶媽媽其實好大打擊...係我懷孕個陣 我家姐,我最好既朋友成日都講 算啦 睇死你好快嗌攰唔餵!我只可以努力扮聽唔到...到依家第28日塞過2次奶 作病頭痛都堅持泵 依家雪櫃都會有9餐係到。係出世第8日 第一次番健康院 體重係收水後重番去出世體重 同埋好叻女一d黃都無 我用行動證明左自己 而西瓜妹就用佢體重健康去證明媽咪 西瓜妹多謝你   *親戚們既比較  係生完第20日 其中一個親戚黎探媽咪 係對話中得知 佢個女都同我一樣過左預產期 呢幾日會生 依個親戚 就黎問我地 生完食d咩 有咩注意 有咩上奶。幾日後 佢bb出世..我媽打去問候一下 點知令人把幾火既對話出現左:我個女有得打無痛 仲有個孫好大隻 大隻過你個孫 仲擔心好似你個孫咁細粒 個女住私家房......聽到依到 我媽仲嬲過我。我好想講 起碼我好叻捱到痛 個女細粒唔洗吸出黎 雖然過預產期先出世 但佢都好叻 無吸入胎糞同羊水,仲有我個女好健康。   *咩都入阿媽數系列 人奶會引致輕瀉,訓覺嚇醒,隻腳比蚊咬,肚餓喊但已經暖緊奶,痾屎痾尿,又係入我數又係入我數又係入我數架,做人父母真係有時有d委屈位 真係無位呻 希望大家體諒 bb一直長大 而我地都一路學習中   *老爺奶奶薑醋篇 6299一早表示要買卷派 因為親戚遠,比錢佢地買 有平有優惠個陣唔買 買貴左我都算,但我只係有小小要求 印bb樣同名係卷 但6299拒絕左我..咁你派卷 人地連我個女咩名咩樣男定女都唔知...意思何在.......唉   其實新手媽媽真係需要多d支持同鼓勵 唔好不停放大問題 試下體諒下 咁就已經好足夠。 好感恩 西瓜妹都好生性 出世到依家都好健康 叻叻