早2個星期係小妹既生日，當日就梗係帶裕喬喬去海洋公園睇動物啦～生日免費，再加生日買飛優惠，淨買老公個張，咁就最抵喇～～所以第二日就補番個生日晚餐，上網訂左個近期好hit 既shake shake 海鮮袋再加其他海鮮～不過訂得太多添，多左2隻蟹⋯⋯所以就整左個零調味既餸俾裕喬喬食～ 材料： 蟹 2隻 日本娟豆腐 1盒 甜豆 1包 做法： 1.將蟹洗淨、蒸熟（我驚唔夠熟就大火蒸20分鍾）   2.將蟹拆肉，分開蟹肉、蟹膏同蒸熟個時既蟹汁，搞掂就將豆腐切粒      3. 洗淨甜豆、灼熟，用黎圍邊   4. 將蟹汁、蟹肉倒入煲中煮沸，跟住快手落埋蟹膏同豆腐煲一陣，見有煙出再煮2分鐘就Ok喇！     有新野食，試下先    P.S.: 1. 寶寶們要試過對海鮮冇敏感先食得架 2. 如果驚太咸（始終海鮮有海水味），可以唔用蟹汁，就咁用水煮都得 3. 落左豆腐就唔好太大力攪拌，唔係就會散哂唔靚仔架喇 同場加映我個shake shake 海鮮大餐    我家裕喬的PAGE, 在職媽媽盡量每日UPDATE喲~ https://www.facebook.com/JacoYK/