岩岩生完仔既你 加上荷爾蒙巨變既影響 小小事都會令你眼濕濕 睇下呢幾個喊位你中左幾多個?   第一次抱阿B 十月懷胎，經歷十級痛楚，半隻腳入左鬼門關，辛辛苦苦挨左十幾個鐘，終於生左阿Ｂ出黎。第一次抱你入懷，和你第一次身貼身既肌膚之親,，令我流下了第一滴眼淚。   2. 第一次成功餵奶 人奶路真係唔易行，為左人奶，好多媽媽又按摩又食療又食supplement，上奶湯水一日８碗，以前半碗飯都食唔到既媽媽都可以為左人奶食足５餐飯，仲記得凌晨５點起身食個餐傳說中會上奶既５更飯，為既就係第一浸黃金初乳。見到你成功食到第一餐人奶，我既工夫冇白費，又眼濕濕了。    3.孤單既人奶路 不論係至親既另一半，上至奶奶，下至工人，如果佢地唔支持你既人奶路，真係好難行。一句「冇人奶咪食奶粉囉」，講者無意，聽者有心。多少天下母親，係產前產後做既事，都係為左人奶。無人支持，走上孤單的人奶路，一想起我又鼻子一酸。    4. 比人話 唔識做人阿媽 呢句野真係傷盡下母親既心。初為人母，想給最好既比ＢＢ，事與願違，未必事事盡善盡美。有時做錯小小野，就比人話唔識做人阿媽，媽媽的玻璃心又碎了。    5.收到親朋好友既關心 身邊至親一定想你好好坐月，會為你做跑腿，將你需要既野送上門。呢個時候，眼淚又偷偷掉下來。 6. 豬隊友唔生性BＢ 人人都話爸爸無經歷十月懐胎，同ＢＢ感情需時去建立。所以好多時，BＢ出世，爸爸都係一舊飯，唔知點幫手。有時仲會幫倒忙。媽媽們都慾哭無淚。    7. 神隊友太利害   唔係個個爸爸都係豬隊友，新手爸爸可以獨當一面，仲可以自己一手腳照顧ＢＢ，等媽媽可以好好休息。唔止，仲知道你產後荷爾蒙影響，照顧埋你既情緒。多少個無眠既晩上，係你呢個新手爸爸鼓勵我，叫我堅強，唔好崩溃。　 謝謝你，無數個晚上陪我傾計，讓我發泄情緒。我就在你開解下，流下了好多既感動又不知所措既眼淚。